ក្រសួងវប្បធម៌ សម្រេចមិនអោយ ដេនី ក្វាន់ មានវត្តមាននៅក្នុងសិល្បៈរយៈពេល១ឆ្នាំ
សាព័ត៌មាន Cambodia News/
កម្សាន្ត (២៥ មេសា ២០១៧) ៖ លទ្ធផលក្រោយការប្រជុំរបស់ ក្រសួងវប្បធម៌ និង វិចិត្រសិល្បៈ ស្តីពីការដាក់ពិន័យលើតារាស្រី ដានី ក្វាន់នៅព្រឹកថ្ងៃទី២៥ ខែមេសា នេះ បានចេញមកហើយ ដោយក្រសួងបានសម្រេចបញ្ឈប់ការសិល្បៈទាំងអស់របស់តារាស្រីរូបនេះរយៈពេលមួយឆ្នាំ ពោលគឺមិនអោយនាងមានវត្តមាននៅក្នុងសិល្បៈ គ្រប់រូបភាពទាំងអស់ រួមទាំងការសម្តែង ថតខ្សែភាពយន្ត ចម្រៀង និងនៅតាមកញ្ចក់ទូរទស្សន៍ជាដើម។
ទាក់ទងនិងការសម្រេចនេះដែរ ក៍មានការចូលរួមពីសំណាក់ លោក សុះ ម៉ាចប្រធានសមាគមសិល្បករខ្មែរ លោក ហេង ឡុង តំណាងសមាគមមិត្តសិល្បៈស្ម័គ្រចិត្តជួយសង្គម និងមន្រ្តីជាក់ព័ន្ធជាច្រើនរូបទៀត។
គួរបញ្ជាក់ផងដែរថា កញ្ញា ដេនី ក្វាន់ ធ្លាប់បានក្រសួងវប្បធម៌ និង វិចិត្រសិល្បៈ ព្រមានម្តងរួចមកហើយទាក់ទងនឹងការស្លៀកពាក់សិចស៊ីរបស់នាង ដែលប៉ះពាល់ដល់វប្បធម៌ដ៍ល្អផូរផង់របស់ស្ត្រីខ្មែរ។ ទោះជាយ៉ាងណាតារាស្រីរូបនេះនៅតែ បន្តការស្លៀកពាក់សិចស៊ី រហូតដល់ពេលនេះ ក្រសួងសម្រេចបញ្ឈប់ការងារសិល្បៈរបស់នាងចោលទាំងស្រុងតែម្តង៕
