សម្តេចតេជោ អញ្ជើញសម្ភោធអគារសិក្សានៅវិទ្យាល័យ ក្រុងក្រចេះ
សារព័ត៌មាន Cambodia News/
ក្រចះ (២៧ មីនា ២០១៧) ៖ សម្តេចអគ្គមហាសេនាតេជោ ហ៊ុន សែន នាយករដ្ឋមន្ត្រីនៃកម្ពុជានៅព្រឹកថ្ងៃទី ២៧ ខែ មីនា ឆ្នាំ២០១៧បានអញ្ជើញជាអធិបតីសម្ពោធដាក់ឲ្យប្រើប្រាស់អគារសិក្សាថ្មីមានកម្ពស់ ៣ជាន់ ស្មើនិង ៤៨ បន្ទប់នៅវិទ្យាល័យសម្តេចតេជោ ហ៊ុន សែន ក្រុងក្រចេះ។
អគារសិក្សានេះត្រូវបានសម្តេចតេជោ ហ៊ុន សែន ប្រគល់ជូនក្នុងពេលសម្តេចអញ្ជើញទៅសំណេះសំណាលជាមួយមន្ត្រីរាជការកងកម្លាំងប្រដាប់អាវុធក្នុងខេត្តក្រចេះកាលពីថ្ងៃទី ២៩ ខែកក្កដា ឆ្នាំ២០១៦កន្លងទៅនេះបន្ទាប់ពីសម្តេចបានពិនិត្យឃើញអគារសិក្សាចាស់ មានសភាពទ្រុឌទ្រោមខ្លាំង ដែលអាចនាំមកនូវគ្រោះថ្នាក់ជាយថាហេតុផ្សេងៗសម្រាប់សិស្ស។
អគារសិក្សានៅវិទ្យាល័យសម្តេចតេជោ ហ៊ុន សែន ក្រុងក្រចេះស្ថិតនៅក្នុងក្រុងក្រចេះនេះគឺជាអគារសិក្សាទី២ហើយបន្ទាប់ពីអគារសិក្សានៅវិទ្យាល័យតេជោ ហ៊ុន សែន បឹងកុក នៅក្នុងខេត្តកំពង់ចាម ដែលសម្តេចតេជោ ហ៊ុន សែនបានសម្ពោធដាក់ឲ្យប្រើប្រាស់នៅដើមឆ្នាំ២០១៧នេះ៕
