លោក Kofi Annan លាលែងពីតំណែងពីបេសកកម្មរកសន្ដិភាពឲ្យប្រទេសស៊ីរី
អគ្គលេខាធិការអង្គការសហប្រជាជាតិ លោក Ban Ki-moon បានទទួលយកការលាចេញពី តំណែង របស់លោក Kofi Annan ទាំងសោកស្តាយ យ៉ាងជ្រាលជ្រៅ។
លោក Kofi Annan នៅថ្ងៃទី២សីហានេះ បានលាលែងពីតំណែងជាបេសកជនពិសេសរបស់ អង្គការសហប្រជាជាតិទទួលបន្ទុកលើការរកសន្ដិភាពឲ្យប្រទេសស៊ីរី។ លោកបានទទួលមុខងារនេះ តាំងពីចុងខែកុម្ភៈឆ្នាំនេះ។
ការលាលែងពីតំណែងរបស់លោក Kofi Annan ធ្វើឲ្យមានការលើកឡើងថា ដំណើរការនៃការ រកដំណោះ ស្រាយរកសន្ដិភាពនៅស៊ីរីកំពុងតែបរាជ័យ។
លោក Ban Ki-moon កំពុងតែពិភាក្សាជាមួយសម្ពន្ធរបស់អារ៉ាប់ដើម្បីរកមនុស្សឡើងកាន់ តំណែង ជំនួស លោក Kofi Annan ដើម្បីបន្តកិច្ចប្រឹងប្រែងរកសន្ដិភាពនៅស៊ីរី៕ (Radio Australia)
