សម្តេចតេជោ ស្រក់ទឹកភ្នែកចំពោះការបាត់បង់ លោក ម៉ា សេរី
សារព័ត៌មាន Cambodia News/
ភ្នំពេញ (០៨ កុម្ភៈ ២០១៧) ៖ សម្តេចអគ្គមហាសេនាបតីតេជោ ហ៊ុន សែន បានចាត់ទុកអ្នកអត្ថាធិប្បាយកីឡាដ៍ល្បីល្បាញ លោក ម៉ា សេរី ជាមិត្តភ័ក្តិ និងថាការបាត់បង់ជីវិតអ្នកគ្រប់គ្រងផ្នែកកីឡារបស់ស្ថានីយ៍ទូរទស្សន៍ CTN CNC រូបនេះ គឺបាត់ដៃគូដែលតែងហៅរកសួរនាំពីបញ្ហាកីឡា ។
នៅលើបណ្តាញទំនាក់ទំនងសង្គមហ្វេសប៊ុកដែលបង្ហោះនៅប៉ុន្មាននាទីមុននេះ សម្តេចតេជោនាយករដ្ឋមន្ត្រីបានបញ្ជាក់បន្ថែមថា «ក្រៅពីសាររំលែកទុក្ខខ្ញុំគ្មានពាក្យអ្វីក្រៅពីពាក្យថាលាហើយជាមួយទឹកភ្នែកដើម្បីជូនដំណើរនោះឡើយ។» ។ សម្តេចតេជោ ហ៊ុន សែន ក៍បានឆ្លងឆ្លើយគ្នាតាមlineជាមួយលោក ម៉ា សេរី មុនពេល លោក ម៉ា សេរី ទទួលមរណភាព ។
គួរបញ្ជាក់ថា លោក ម៉ា សេរី បានទទួលមរណភាពដោយសារជំងឺមហារីកថ្លើម នៅវេលាម៉ោងជិត៦ព្រឹកថ្ងៃទី០៨ កុម្ភៈ ២០១៧ នៅគេហដ្ឋានរបស់លោកស្ថិតនៅអូរបែកក្អម ក្បែរទីស្នាក់ការកាកបាទក្រហមកម្ពុជា ៕
