តណ្ហាពុះកញ្ជ្រោលខ្លាំង ចាប់កូនបង្កើតខ្លួនឯងរំលោភ
សារព័ត៌មាន Cambodia News/
បាត់ដំបង (៣០ មករា ២០១៧) ៖ បុរសជាឪពុកម្នាក់ត្រូវសមត្ថកិច្ចចាប់ខ្លួនបញ្ជូនទៅតុលាការកាលពី ព្រឹកថ្ងៃទី២៨ ខែមករា ឆ្នាំ២០១៧ បន្តាប់ពីត្រូវបានប្រពន្ធប្ដឹងចោទប្រកាន់ថា បានព្យាយាមចាប់កូនស្រីបង្កើតខ្លួនឯងរំលោភ តែមិនបានសម្រេច ។
តាមសេចក្ដីរាយការណ៍ឱ្យដឹងថា ជនសង្ស័យឈ្មោះ ហេង ម៉ាប់ ភេទប្រុស អាយុ៤៥ឆ្នាំ រស់នៅឃុំបួរ ស្រុកភ្នំព្រឹក ជននេះត្រូវប្រពន្ធរបស់ខ្លួនប្ដឹងចោទប្រកាន់ថា បានប៉ុនប៉ងចាប់កូនស្រីបង្កើតដែលមានទើបតែអាយុ៩ឆ្នាំរំលោភ កាលពីវេលាម៉ោង៨យប់ ថ្ងៃទី២៦ ខែមករា នៅក្នុងផ្ទះរបស់ខ្លួន តែសំណាងល្អត្រូវប្រពន្ធមកទាន់ ហើយក៏មានការឈ្លោះប្រកែកគ្នា លុះនៅព្រឹកថ្ងៃទី២៧ ខែមករា ទើបប្រពន្ធប្ដឹងទៅសមត្ថកិច្ចឲ្យចាប់ខ្លួនតែម្ដង ។
ក្រោយពេលចាប់ខ្លួន ជនសង្ស័យបានសារភាពថា ខ្លួនពិតជាបានធ្វើដូច្នេះមែន ដោយសារខ្លួនមានចំណង់ផ្លូវភេទខ្លាំង ពេលកំពុងមើលរឿងសិចនៅក្នុងទូរស័ព្ទ ប៉ុន្តែខ្លួនចាប់កូនស្រីមិនទាន់បានសម្រេចទេ ដោយសារប្រពន្ធមកទាន់ លុះស្អែកឡើងក៏ត្រូវសមត្កិច្ចឃាត់ខ្លួនតែម្ដង ៕
