សម្ដេចតេជោ ទទួលបានពានរង្វាន់ ប្រធានអូឡាំពិកអន្តរជាតិ
សារព័ត៌មាន Cambodia News/
ភ្នំពេញ (២៥ មករា ២០១៧) ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ទទួលបានពានរង្វាន់ «ប្រធានអូឡាំពិកអន្តរជាតិ» ដែលនឹងត្រូវប្រគល់ជូននៅថ្ងៃទី២៥ ខែមករា ឆ្នាំ២០១៧ខាងនេះ នៅវិមានសន្តិភាព។ នេះបើយោងតាមគេហទំព័ររបស់ក្រុមប្រឹក្សាអូឡាំពិកអាស៊ីឈ្មោះថា Olympics Council of Asia បានចេញផ្សាយព័ត៌មានផ្លូវការរបស់ខ្លួន។
បើតាមសេចក្តីជូនដំណឹងរបស់គណៈកម្មាធិការជាតិអូឡាំពិកកម្ពុជា ការទទួលបានពានដ៏វិសេសថ្លៃថ្លានេះ ដោយសារតែការយកចិត្តទុកដាក់ខិតខំប្រឹងប្រែង ឧបត្ថម្ភគាំទ្រដល់វិស័យកីឡានៅកម្ពុជា ក៏ដូចជាជួយគាំទ្រដល់ចលនាអូឡាំពិក ឆ្ពោះទៅរកការកសាងពិភពលោកមួយ ប្រកបដោយសន្តិភាព និងល្អប្រសើរតាមរយៈកីឡា និងឧត្តមគតិអូឡាំពិក៕
