គ្រោះថ្នាក់ចរាចរណ៍ថ្ងៃទី៤មករា ស្លាប់ ២នាក់ រងរបួស ១២នាក់
សារព័ត៌មាន Cambodia News/
ភ្នំពេញ (០៥ មករា ២០១៧) ៖ តាមរបាយការណ៍ពីនាយកដ្ឋាននគរបាលចរាចរណ៍និងសណ្ដាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានបញ្ជាក់ឲ្យដឹងថាកាលពីថ្ងៃទី៤ ខែមករា ឆ្នាំ២០១៧ មានករណីគ្រោះថ្នាក់ចរាចរណ៍ នៅទូទាំងប្រទេសបានកើតឡើងចំនួន១០លើក។ក្នុងនោះពេលយប់៩លើកបណ្ដាលឲ្យមនុស្សស្លាប់២នាក់ របួសធ្ងន់១០នាក់ និងរបួសស្រាល២នាក់។
របាយការណ៍ដដែលបានបញ្ជាក់ឲ្យដឹងទៀតថា នៅក្នុងហេតុការណ៍ គ្រោះថ្នាក់ចរាចរណ៍ចំនួន១០ លើកនេះបណ្ដាលឲ្យខូតខាតយានយន្ដ សរុបចំនួន១៧គ្រឿង រួមមានម៉ូតូ ចំនួន១២គ្រឿង រថយន្ដធុនតូចចំនួន៣គ្រឿង រថយន្ដធុនធំ១គ្រឿង រ៉ឺម៉ុកគោយន្ដ១គ្រឿង និងអ្នកថ្នើរជើង២នាក់។
មូលហេតុដែលបណ្ដាលឲ្យកើតមានគ្រោះថា្នក់ចរាចរណ៍រួមមាន ល្មើសល្បឿន២លើក ស្រវឹង២លើក ប្រជែង២លើកប្រជែង៣លើក មិនគោរពសិទ្ធិ៣លើក និងបត់គ្រោះថ្នាក់មួយលើក៕
