ប៉ូលិសកំពុងតាមប្រមាញ់ ជនដែលកាត់ ត រូបភាព ប្រមាថ ព្រះមហាក្សត្រ
សារព័ត៌មាន Cambodia News/
ភ្នំពេញ (០៣ មករា ២០១៧) ៖ ប៉ូលិសក្រសួងមហាផ្ទៃកំពុងធ្វើការស៊ើបអង្កេត ដើម្បីតាមចាប់ជនសង្ស័យចំនួន ៣នាក់ ដែលបានកាត់តរូបភាព ប្រមាថដល់ព្រះមហាក្សត្រ នរោត្តម សីហមុនី។ នេះបើតាមការចុះផ្សាយរបស់ BBC នៅថ្ងៃអង្គារនេះ។
រូបភាពកាត់ដាក់ រូបភាពព្រះមហាក្សត្រ ភ្ជាប់មកជាមួយពាក្យពេចន៍ ដែលប្រមាថយ៉ាងធ្ងន់ធ្ងរទៅដល់អង្គព្រះមហាក្សត្រ ត្រូវបានគេបង្ហោះនៅលើបណ្តាញទំនាក់ទំនងសង្គមហ្វេសបុក ថ្ងៃបុណ្យណូអែល (២៥ ធ្នូ)។
ព្រះមហាក្សត្រ នរោត្តម សីហមុនី ត្រូវបានប្រជាជនខ្មែរទូទាំងនគរគោរព និងស្រលាញ់ព្រះអង្គ និងចាត់ទុកព្រះអង្គជាក្សត្រល្អ និងតំនាងអោយសន្តិភាព។ ការបង្ហោះរូបភាពបែបនេះ មិនត្រឹមតែប្រមាថដល់ព្រះអង្គនោះទេ តែវាគឺជាការប្រមាថដល់ប្រជាជាតិខ្មែរទាំងមូល។
ព្រះមហាក្សត្រ នរោត្តម សីហមុនី បានឡើងគ្រងរាជ្យក្នុងឆ្នាំ ២០០៤ ព្រះអង្គជាក្សត្រមួយរូបដែលទទួលបានការគោរពពីសាធារណៈជន។ រដ្ឋធម្មនុញ្ញរបស់ព្រះរាជាណាចក្រកម្ពុជាបានបញ្ជាក់ថា ព្រះមហាក្សត្រមិនអាចរំលោភបំពានបាន៕
