ម៉ែ-ឪរត់ចោលផ្ទះ ក្រោយកូនប្រុសដេញកាប់
សារព័ត៌មាន Cambodia News/
កំពត (០៥ ធ្នូ ២០១៦) ៖ កូនអកត្តញ្ញូបំផុតម្នាក់ធ្វើទុក្ខបុកម្នេញឪពុកម្តាយ ដោយវាយបំផ្លាញរបស់របរនៅក្នុងផ្ទះ ឱ្យតែស្រវឹងស្រាម្តងៗ វាយតុ ទូ បោកកែវ និងរបស់ផ្សេងៗទៀត មិនតែប៉ុណ្ណោះ ជននេះបានដេញកាប់ឪពុកម្តាយ ធ្វើឱ្យគាត់រត់គេចចេញពីផ្ទះទៅប្តឹងសមត្ថកិច្ចប៉ុស្តិ៍ឃុំកោះតូច ស្រុកទឹកឈូ ខេត្តកំពត ឱ្យមកចាប់ខ្លួនតែម្តង កាលពីវេលាម៉ោង០៩យប់ថ្ងៃទី០៣ ធ្នូ ២០១៦ ។
តាមមន្ត្រីនគរបាលស្រុកទឹកឈូបានឲ្យដឹងថា ជនដែលត្រូវឃាត់ខ្លួន ឈ្មោះឆាយ រតនៈ (ហៅពេជ្រ) ភេទប្រុស អាយុ១៩ឆ្នាំ មានទីលំនៅក្នុងភូមិព្រែកអំពិល ឃុំកោះតូច ស្រុកទឹកឈូ ខេត្តកំពត។
បច្ចុប្បន្ន ជនសង្ស័យ និងវត្ថុតាង ត្រូវសមត្ថកិច្ចកសាងសំណុំរឿងបញ្ជូនទៅស្នងការ ដើម្បីចាត់ការតាមច្បាប់នៅរសៀលថ្ងៃទី៥ ធ្នូ នេះ ៕
