សម្តេច ហ៊ុន សែន ផ្ញើលិខិតចូលរួមរំលែកទុក្ខដល់ភរិយាលោក សម រង្ស៊ី
សារព័ត៌មាន Cambodia News/
ភ្នំពេញ (២៥ វិច្ឆិកា ២០១៦) ៖ នាយករដ្ឋមន្ត្រីនៃកម្ពុជា សម្តេច ហ៊ុន សែន បានផ្ញើលិខិតផ្លូវការចូលរួមរំលែកទុក្ខដល់លោកស្រី ជូឡុង សូមូរ៉ា ដែលម្តាយបង្កើតរបស់លោកស្រី គឺឧបាសិកា ញឹក ជូឡុង-មាសកេត សមភ័ត្រ បានទទួលមរណភាពក្នុងជន្មាយុ៩៧ឆ្នាំ ដោយជរាពាធនៅរសៀលថ្ងៃទី២៤ ខែវិច្ឆិកា ឆ្នាំ២០១៦នេះ។
សូមជម្រាបថា លោក សម រង្ស៊ី និងភរិយាធ្លាប់បានផ្ញើសាររំលែកទុក្ខសម្តេច ហ៊ុន សែន និងក្រុមគ្រួសារ ខណៈដែលឪពុកបង្កើតរបស់សម្តេចបានទទួលមរណភាពផងដែរ៕
