ផ្អើលក្រុងភ្នំពេញទាំងព្រលឹម! ក្រុមក្មេងស្ទាវជិះឡាន និងម៉ូតូដេញបាញ់គ្នា
សារព័ត៌មាន Cambodia News/
ភ្នំពេញ (២៣ វិច្ឆិកា ២០១៦) ៖ មានករណីក្រុមក្មេងស្ទាវជិះឡាន និងម៉ូតូ២គ្រឿង ដេញបាញ់ប្រហារគ្នាផ្អើលក្រុងភ្នំពេញ បណ្តាលឲ្យស្ត្រីវ័យ៤៥ឆ្នាំម្នាក់រងរបួសដោយសារគ្រាប់កាំភ្លើង ដែលករណីនេះកើតឡើងនៅវេលាម៉ោងប្រមាណ៥ និង៥០នាទីព្រឹកថ្ងៃទី២៣ ខែវិច្ឆិកា ឆ្នាំ២០១៦នេះ នៅតាមបណ្តោយផ្លូវលេខ៥១ សង្កាត់ចតុមុខ ខណ្ឌដូនពេញ។ ចំណែកស្ត្រីរងគ្រោះដោយសារគ្រាប់កាំភ្លើងមានឈ្មោះ រុំ ភឿន អាយុ៤៩ឆ្នាំ ជាស្ត្រីរើសអេតចាយ។
ប្រជាពលរដ្ឋរស់នៅម្តុំកើតហេតុបាននិយាយប្រាប់ថា មានករណីក្មេងស្ទាវដេញបាញ់គ្នា គ្រាប់កាំភ្លើងចំស្ត្រីម្នាក់រងរបួស ត្រូវបានបញ្ជូនទៅកាន់មន្ទីរពេទ្យកាល់ម៉ែត។ កន្លែងរងរបួសត្រូវចំក្រោមក្លៀកខាងស្តាំ ធ្លាយចេញតាមឆ្អឹងជំនីខាងក្រោយ។ ទោះជាយ៉ាងណាប្រជាពលរដ្ឋបាននិយាយថា ចំពោះម៉ាករថយន្ត និងម៉ូតូ ដែលក្មេងស្ទាវដេញបាញ់ប្រហារគ្នា គឺមិនបានដឹងទេ៕
