សម្តេច ហ៊ុន សែន ប្រតិកម្មនឹងពាក្យ “ការឈ្លានពានខាងវប្បធម៌”
សារព័ត៌មាន Cambodia News/
ភ្នំពេញ (១៨ វិច្ឆិកា ២០១៦) ៖ សម្តេចតេជោ ហ៊ុន សែន នាយករដ្ឋមន្រ្តីនៃរាជរដ្ឋាភិបាលកម្ពុជា បានថ្លែងទទួល ស្គាល់អំពីការវាយលុកនៃវប្បធម៌បរទេសមកក្នុងសង្គម កម្ពុជាប៉ុន្តេ មិនទទួលយកពាក្យថាការឈ្លានពានខាងវប្បធ៍ម។
ថ្លែងនៅចំពោះមុខ អាចារ្យ និង អាចារិនី ជិត ១០០០ នាក់ កាលពីថ្ងៃទី១៧ ខែ វិច្ឆិកា សម្តេចតេជោ ហ៊ុន សែន បានថ្លែងថា ពិតជាមានការវាយលុកចូលនៃវប្បធ៍មបរទេសមក ក្នុងប្រទេសកម្ពុជាពិតមែន។ ក៏ប៉ុន្តែសម្តេច មិនជឿថាមានការឈ្លានពានខាងវប្បធ៍មនោះទេ ហើយសង្កតធ្ងន់ថា បញ្ហាវាស្ថិតនៅត្រង់ថាយើងទទួល ឬ មិនទទួលតែប៉ុណ្ណោះ ។
សម្តេចតេជោ ហ៊ុន សែន បានមានប្រសាសន៍ ថា៖ វប្បធ៍មបរទេសកំពុងកើតមាននៅកម្ពុជាដូចជាថ្ងៃគុណមាតា ថ្ងៃគុណបិតា និង ថ្ងៃបុណ្យនៃក្តី ស្រឡាញ់ដែលយុវជនខ្មែរនាំគ្នាពេញនិយមថាជាថ្ងៃបុណ្យសង្សា បានវាយលុកចូលមកយ៉ាងពេញទំហឹងតែម្តង នៅមានច្រើនទៀត តែបញ្ហាវាស្ថិតនៅលើថាយើងទទួលឬមិនទទួលតែប៉ុណ្ណឹងទេ ៕
