១២ថ្ងៃទៀតដំណើរការចុះឈ្មោះបោះឆ្នោតនឹងត្រូវបញ្ចប់
សារព័ត៌មាន Cambodia News/
ភ្នំពេញ (១៨ វិច្ឆិកា ២០១៦) ៖ គណកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានអោយដឹងថា ប្រជាពលរដ្ឋចំនួន ៧.២៧៣.៧៤៨នាក់ បានទៅចុះឈ្មោះបោះឆ្នោត ចាប់ពីពីថ្ងៃទី០១ ខែកញ្ញាដល់ថ្ងៃទី១៧ ខែវិច្ឆិកា។នេះបើសេចក្ដីប្រកាសព័ត៌មានស្តីលទ្ធផលបណ្តោះអាសន្ននៃការចុះឈ្មោះបោះឆ្នោត ដែលចេញផ្សាយនាព្រឹកថ្ងៃសុក្រនេះ។
បើតាមការប្រកាសពី គ.ជ.ប ដំនើរការចុះឈ្មោះដើម្បីរៀបចំបញ្ជីបោះឆ្នោតថ្មី ឆ្នាំ២០១៦ ឆ្នាំ២០១៦ នឹងបិទបញ្ចប់នៅថ្ងៃទី២៩វិច្ឆិកាខាងមុខ ហើយគិតចាប់ពីថ្ងៃនេះ ពលរដ្ឋដែលមិនទាន់បានចុះឈ្មោះ មានពេលតែ១២ថ្ងៃទៀតប៉ុណ្ណោះសម្រាប់ចុះឈ្មោះ។
សួមជំរាបថា គិតមកដល់ថ្ងៃនេះចំនួនអ្នកចុះឈ្មោះបោះឆ្នោតមានត្រឹម ៧៥,២៦% ដូចនេះតាមការព្យាករណ៏ គ.ជ.ប មិនអាចសម្រេចបានចំនួនអ្នកចុះឈ្មោះគ្រប់តាមការគ្រោងទុកទេ ហើយមូលហេតុត្រូវបាន អ្នកនាំពាក្យគណៈកម្មាធិ ការជាតិ រៀបចំការបោះឆ្នោត (គ.ជ.ប) ឯកឧត្តម ហង្ស ពុទ្ធា ពន្យល់ថា ព្រោះប្រជាពលរដ្ឋបានចេញ ទៅធ្វើការងារនៅ ក្រៅប្រទេស មានចំនួនច្រើន ហើយពួកគេមិនមានពេលវេលា មកចុះឈ្មោះបោះឆ្នោត ៕
