អ្នកធ្វើដំណើរឆ្លងកាត់ស្ពានឥន្ទធនូ ងឿងឆ្ងល់ពេលឃើញសោកិបជាប់នឹងសំណាញ់ស្ពាន
សារព័ត៌មាន Cambodia News/
ភ្នំពេញ (១២ តុលា ២០១៦) ៖ កាលពីថ្ងៃទី៨ខែតុលាឆ្នាំ២០១៦បណ្តាញព័ត៌មានសង្គមមួយបានបង្ហោះនូវរូបភាពស្តីអំពីយុវជននិងយុវនារីពីរនាក់កិបសោម៉ាកសូឡិចដ៏ថ្មីសន្លាងជាប់ទៅនឹងសំណាញ់ដែកការពារសុវត្ថិភាពលើស្ពានឥន្ទធនូ។
ជាមួយគ្នានោះក៏មានរូបមួយទៀតបង្ហាញពីសោដដែលនេះត្រូវបានកិបរួចរាល់ដោយមិនមានកូនភ្ជាប់ជាមួយទេមានន័យថាបន្ទាប់ពីកិបហើយពួកគេមិនចាក់យកទៅប្រើប្រាស់វិញឡើយ។
ព្រោះតែរូបភាពដូចការបង្ហោះនេះទើបអ្នកធ្វើដំណើរតាមទោចក្រយានទោចក្រយាន្តយន្តពិសេសដោយថ្មើរជើងឆ្លងកាត់ស្ពានឥន្ទធនូរំលងព្រែកកំពង់បាយកណ្តាលក្រុងកំពតនាអំឡុងពេលបីថ្ងៃនេះកើតក្តីងឿងឆ្ងល់ត្បិតឃើញមានសោដ៏ថ្មីសន្លាងត្រូវគេកិបជាប់ទុកនឹងសំណាញ់ដែកការពារសុវត្ថិភាពភ្ញៀវដែលពីមុនមក មិនធ្លាប់ជួបប្រទះទាល់តែសោះ។
មានការអត្ថាធិប្បាយថានេះជាកិច្ចសម្បថសច្ចាស្រឡាញ់គ្នាលុះអវសានរវាងគូសង្សារដោយសន្មតតាមរបៀបចាក់ភ្ជាប់បេះដូងរួមបញ្ចូលតែមួយហើយមិនបើកសម្រាប់អ្នកណាផ្សេងដែលធ្វើឡើងពីសំណាក់ភាគីទាំងសងខាងផ្ទាល់តាមរយៈកិបមេហើយដក កូនសោគ្រវែងចោលក្នុងទឹក។
នេះជាប្រពៃណីដែលយុវវ័យទើបចម្លងចេញពីតំបន់អឺរ៉ុបដោយមិន ទាន់ប្រាកដថាក្រសួងជំនាញចាត់ទុកវប្បធម៌នោះបែបវិជ្ជមាន ឬអវិជ្ជមាននៅឡើយទេ៕
