PSB Academy ពង្រីកសក្តានុពលនៅអាស៊ីដោយសហការជាមួយស្ថាប័នអប់រំ NTC Group Cambodia
សារព័ត៌មាន Cambodia News/
ប្រទេសសិង្ហបុរី Media OutReach ថ្ងៃទី ០៥ ខែតុលា ឆ្នាំ ២០១៦ PSB Academy (PSBA) ដែលជាស្ថាប័នអប់រំឯកជនឈានមុខគេមួយនៅប្រទេសសឹង្ហបុរី បានចុះហត្ថលេខាលើអនុស្សរណៈយោគយល់គ្នា (MOU) ជាមួយស្ថាប័នអប់រំ NTC Group ដែលជាស្ថាប័នអប់រំឯកជនឈានមុខគេមួយនៅប្រទេសកម្ពុជា ដែលមានឧបសម្ព័ន្ធរួមមានសាលារៀនសុវណ្ណភូមិ សាលារៀនប្រ៊ីជតុន សាលាញូវតុនធីឡាយ សាលាអន្តរជាតិអ៊ីសវ៉េស និងសាលាអន្តរជាតិអាមេរិកាំងប៉ាស៊ីហ្វិក។
កិច្ចព្រមព្រៀងនេះមានរយៈពេលបីឆ្នាំទៅលើកិច្ចសហប្រតិបត្តិការដែលស្របទៅតាមប្រព័ន្ធអប់រំរបស់ស្ថាប័នទាំងពីរ។ កិច្ចព្រមព្រៀងនេះផ្តោតទៅលើ ការលើកកំពស់ការអភិវឌ្ឍវគ្គសិក្សាអប់រំ ការរៀបចំសិក្ខាសាលាសម្រាប់សិស្សានុសិស្ស ការផ្តល់ការបណ្តុះបណ្តាល និងឱកាសអភិវឌ្ឍន៍សម្រាប់បុគ្គលិក និងសិស្សានុសិស្សរបស់ NTC ដែលរួមមាន ឱកាសក្នុងស្នើសុំអាហារូបករណ៍របស់ PSBA ព្រមទាំងការរៀបចំកម្មវិធីផ្លាស់ប្តូរវប្បធម៌និងការសិក្សាផ្សេងៗ។
ភាពជាដៃគូនេះឆ្លុះបញ្ចាំងពីការរីកចំរើនឥតឈប់ឈររបស់ PSBA នៅទូទាំងអាស៊ី ក្នុងការផ្តល់ការអប់រំដែលប្រកបដោយគុណភាព និងការអប់រំជាន់ខ្ពស់ដែលត្រូវបានជឿកជាក់១០០%។ មកដល់ពេលនេះ PSBA បានបង្កើតមហាវិទ្យាល័យចំនួនបួនផ្សេងទៀតនៅក្នុងប្រទេសវៀតណាម និងប្រទេសចិន បន្ទាប់ពីបានពង្រីកខ្លួនបន្ថែមទៀតនៅក្នុងប្រទេសសឹង្ហបុរីជាមួយនឹងអគារសិក្សាថ្មីមួយដែលមានទំហំជាង 100,000 ហ្វីតការ៉េដែលស្ថិតនៅចំកណ្តាលទីក្រុង។
Viva Sinniah នាយកប្រតិបត្តិរបស់ PSB Academy បានមានប្រសាសន៍ថា “PSB Academy បានកំពុងនឹងពង្រីកសក្តានុពលរបស់ខ្លួនក្នុងការផ្តល់នូវការសិក្សាប្រកបដោយគុណភាព តាមរយៈការពង្រីកស្ថាប័នរបស់ខ្លួននៅក្នុងប្រទេសសិង្ហបុរីជាមួយនឹងអគារសិក្សាទំនើបនៅទីក្រុង Marina Square ហើយភាពជាដៃគូជាមួយស្ថាប័នអប់រំ NTC ឆ្លុះបញ្ចាំងពីការអភិវឌ្ឍរបស់យើងនៅអាស៊ី ដើម្បីឆ្លើយតបទៅនឹងតម្រូវការដែលមានការកើនឡើងពីសិស្សានុសិស្សនៅក្នុងតំបន់។ យើងត្រៀមខ្លួនជាស្រេចសម្រាប់ផ្តល់គុណភាពអប់រំទៅកាន់សិស្សានុសិស្សចំនួន 35,000 នាក់ពីស្ថាប័នអប់រំ NTC Group សម្រាប់ឱកាសការងារនៅក្នុងប្រទេសកម្ពុជានាពេលអនាគត។
ឧកញ៉ា ជា ធីឡាយ ដែលជាអគ្គនាយករបស់ NTC Group នៃប្រទេសកម្ពុជា បានមានប្រសាសន៍ថា “កិច្ចសហប្រតិបត្តិការក្នុងវិស័យអប់រំជាមួយ PSB Academy នេះ គឺជាសក្ខីភាពនៃការប្តេជ្ញាចិត្តរបស់យើងក្នុងការក្លាយខ្លួនជាស្ថាប័នអប់រំឈានមុខគេមួយនៅក្នុងប្រទេសកម្ពុជា តាមរយៈការផ្តល់ការអប់រំប្រកបដោយគុណភាពដល់សិស្សានុសិស្សនៅក្នុងប្រទេស និងសិស្សានុសិស្សដែលមកពីក្រៅប្រទេស។ សិស្សានុសិស្សរបស់យើងនឹងទទួលបានការអប់រំប្រកបដោយគុណភាព ឱកាសទទួលបានអាហារូករណ៍ ការផ្លាស់ប្តូរការសិក្សាជាមួយសិស្សានុសិស្សពីប្រទេសសិង្ហបុរី”។
គុណភាព គឺជាចំណុចសំខាន់របស់ PSB Academy។ បច្ចុប្បន្ន PSB Academy បានជាប់ចំណាត់ថ្នាក់ជាស្ថាប័នអប់រំឯកជនឈានមុខគេមួយនៅក្នុងប្រទេសសិង្ហបុរី។ PSB Academy ផ្តល់ជូននូវ ថ្នាក់សញ្ញាបត្រពេញម៉ោង និងក្រៅម៉ោងសិក្សា កម្មវិធីបរិញ្ញាបត្រ និងបរិញ្ញាបត្រជាន់ខ្ពស់។ យើងកំពុងបំពេញតម្រូវការរបស់មនុស្សពេញវ័យ ដើម្បីសម្រេចគោលបំណងពួកគេបន្ទាប់ពីបញ្ចប់ការសិក្សានៅ PSB Academy។
បច្ចុប្បន្ន PSB Academy មានគ្រូបង្រៀនក្រៅម៉ោង និងពេញម៉ោងជាង 300 នាក់ដែលផ្តល់ចំណេះដឹងដល់សិស្សានុ-សិស្សក្នុងប្រទេស និងសិស្សានុសិស្សអន្តរជាតិជាង 11,000 នាក់។ អគារសិក្សាចម្បងរបស់យើងមានទីតាំងស្ថិតនៅ Delta និងអគារសិក្សាក្នុងក្រុងរបស់យើងគឺស្ថិតនៅក្នុង Marina Square។ ស្វែងយល់បន្ថែមតាមរយៈ៖ www.psb-academy.edu.sg។
NTC GROUP ដែលមានឧបសម្ព័ន្ធរួមមានសាលារៀនសុវណ្ណភូមិ សាលារៀនប្រ៊ីជតុន សាលាញូវតុនធីឡាយ សាលាអន្តរជាតិអ៊ីសវ៉េស និងសាលាអន្តរជាតិអាមេរិកាំងប៉ាស៊ីហ្វិក ប្តេជ្ញាចិត្តក្លាយខ្លួនជាស្ថាប័នអប់រំឈានមុខគេមួយនៅក្នុងប្រទេសកម្ពុជា ដែលទទួលបានការទទួលស្គាល់ទាំងក្នុងប្រទេស និងជាអន្តរជាតិ ចំពោះការអប់រំប្រកបដោយគុណភាព ដែលត្រូវបានផ្តល់ជូនសិស្សានុសិស្ស ដោយបានសហការជាដៃគូជាមួយក្រសួងអប់រំ យុវជន និងកីឡា ក្នុងការអភិវឌ្ឍធនធានមនុស្សនៅប្រទេសកម្ពុជា៕
