ប្រជាពលរដ្ឋមិនពិបាកមកត្រួតពិនិត្យលក្ខណៈបច្ចេកទេសយានយន្ត នៅភ្នំពេញទៀតឡើុយ
សារព័ត៌មាន Cambodia News/
ភ្នំពេញ (១០ តុលា ២០១៦) ៖ នៅព្រឹកថ្ងៃអង្គារ ទី១១ ខែតុលា ឆ្នាំ ២០១៦ វេលាម៉ោង ៨ ព្រឹក ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រី ក្រសួងសាធារណការ និងដឹកជញ្ជូន នឹងអញ្ជើញជាអធិបតី នៅក្នុងពិធីសម្ពោធបើកឲ្យប្រើប្រាស់ម៉ាស៊ីនត្រួតពិនិត្យបច្ចេកទេសយានយន្តចល័ត នៅមណ្ឌលត្រួតពិនិត្យលក្ខណៈបច្ចេកទេសយានយន្ត សាខាទី១ ដែលស្ថិតនៅតាមបណ្តោយ ផ្លូវ២១៧ ខណ្ឌដង្កោ រាជធានីភ្នំពេញ។
ក្រសួងសាធារណការបានបញ្ជាក់ថាគោលបំណង នៃការដាក់ឲ្យប្រើប្រាស់ម៉ាស៊ីនត្រួតពិនិត្យលក្ខណៈបច្ចេកទេសយានយន្ត ចល័តនេះ គឺដើម្បីបង្ខិតសេវាសាធារណៈឲ្យកាន់តែជិតប្រជាពលរដ្ឋ បង្កភាពងាយស្រួល ចំណេញពេលវេលា កាត់បន្ថយគ្រោះថ្នាក់ចរាចរណ៍ និងការចំណាយផ្សេងៗ។
ម៉ាស៊ីននេះ នឹងធ្វើការចល័តគ្រប់ ២៥ខេត្ត-ក្រុង ដើម្បីឲ្យប្រជាពលរដ្ឋយកយានយន្តរបស់ខ្លូន មកត្រួតពិនិត្យលក្ខណៈបច្ចេកទេសបានគ្រប់ៗគ្នា នៅក្នុងបណ្តាខេត្តដែលខ្លូនរស់នៅ ដូច្នេះប្រជាពលរដ្ឋនឹងមិនចាំបាច់ធ្វើដំណើរ មកត្រួតពិនិត្យលក្ខណៈបច្ចេកទេសយានយន្ត នៅរាជធានីភ្នំពេញដូចពេលមុនទៀតឡើយ៕
