សម្តេច ហ៊ុន សែន អំពាវនវអោយបងប្អូនប្រជាពលរដ្ឋទៅចុះឈ្មោះបោះឆ្នោត
សារព័ត៌មាន Cambodia News/
ភ្នំពេញ (០៤ តុលា ២០១៦) ៖ សង្ឃឹមថាបងប្អូនប្រជាពលរដ្ឋបានជួបជុំសប្បាយរីករាយជាមួយក្រុមគ្រួសារសាច់សារលោហិតនៅក្នុងពិធីបុណ្យភ្ជុំបិណ្ឌកន្លងមកនេះ ។
ទន្ទឹមនឹងនេះដែរ សូមបងប្អូនប្រជាពលរដ្ឋទៅចុះឈ្មោះបោះឆ្នោតអោយបានគ្រប់ៗគ្នាជាពិសេសក្មួយៗដែលមានអាយុគ្រប់អាចបោះឆ្នោតបាន។
នេះគឺជាការប្រើប្រាស់តួនាទីនិងកាតព្វកិច្ចជាពលរដ្ឋល្អ ដើម្បីត្រៀមខ្លួនក្នុងការបោះឆ្នោតនៅពេលខាងមុខ។ នេះជាសារក្នុងហ្វេសប៊ុករបស់ប្រមុខរាជរដ្ឋាភិបាល សម្តេចតេជោ ហ៊ុនសែន នៅព្រឹកនេះ
សម្តេចតេជោ រំលឹកថាសម្តេចបានលះបង់អាយុជីវិតផ្ទាល់ខ្លួនរួមសុខរួមទុក្ខជាមួយពលរដ្ឋតាំងពីប្រទេសបានធ្លាក់ចូលក្នុងភ្លើងសង្គ្រាមហើយបានរំដោះជីវិតពលរដ្ឋរាប់លាននាក់អោយមានសិទ្ឋិសេរីភាពនិងបានកសាងកម្ពុជាដែលត្រូវបានបំផ្លាញស្ទើររលាយទាំងស្រុងអោយក្លាយមកជាកម្ពុជាស្រស់ស្អាត និងមានអ្វីៗគ្រប់យ៉ាងដូចសព្វថ្ងៃ។
ច្បាស់ណាស់ គាំទ្រសម្តេចតេជោ ហ៊ុន សែន គឺបន្តការពារនិងគាំទ្រសុខសន្តិភាព និងការអភិវឌ្ឍកម្ពុជាអោយកាន់តែរីកចម្រើនខ្លាំងទៅមុខទៀត៕
