ជា វិបុល សច្ចាថា បើគង់ សុជាតិ គ្មានកូន ក៏លោកនៅតែស្រឡាញ់នាងអស់មួយជីវិត
សារព័ត៌មាន Cambodia News/
ភ្នំពេញ(១០ មិនា ២០១៤)៖ តាំងពីអ្នកនាង គង់ សុជាតិ រៀបការជាមួយលោកជា វិបុល នាថ្ងៃទី៩ វិច្ឆិកា ២០១៣ មក អ្នកទាំង២បានស្រឡាញ់គ្នាស្អិតល្មួតទ្វេដង ទើបអ្នកទាំងពីរគិតថា នឹងយកកូនទុកជាចំណងដៃនៃភាពផ្អែមល្ហែម ។
ប៉ុន្តែ នៅមិនទាន់មានសញ្ញាល្អ ចំណែកអ្នកនាង សុជាតិ នៅតែអះអាងថា ចង់បានកូនជាមួយលោកវិបុល ប៉ុន្តែបើជាតិនេះ គ្មានកូនឱ្យគាត់ ក៏លោកវិបុល បានសច្ចានៅចំពោះមុខនាងថា ស្រឡាញ់ថែរក្សាចំណងស្នេហ៍នេះអស់មួយជីវិត កុំគិតច្រើនអី ។
តាំង ពីប្តីប្រពន្ធមួយគួរនេះ រៀបការរួចមកតួនាទីជាអ្នកសិល្បៈ ពិសេសកិច្ចការពិធីករ ពិធីការិនីនៅតែទទួលបានប្រជាប្រិយភាពខ្លាំងដដែល ដោយមិនត្រឹមតែពង្រីកតួនាទីនៅតាមស្ថានីយទូរទស្សន៍ថ្មីៗបន្ថែមទៀត ប៉ុណ្ណោះទេ សូម្បីតែកិច្ចការពិធីករនៅខាងក្រៅស្ថានីយក៏អ្នកនាងសុជាតិ និងលោកជា វិបុល ទទួលបានការងារជាច្រើន សូម្បីតែការងារដើរកម្សាន្ត ដើម្បីគ្រួសារក៏កម្រមានពេល ។
ថ្មីៗ នេះលេចឮដំណឹងថា អ្នកនាងសុជាតិ មានផ្ទៃពោះ ដោយខ្លះថា ជាកូនភ្លោះ សូម្បីតែសាមីខ្លួនក៏ឧស្សាហ៍ប្រាប់គេឯងថា ចង់បានកូនភ្លោះដែរ។ ប៉ុន្តែឆ្លងចូលពេលបីទៅបួនខែមកហើយនោះ អ្នកនាងសុជាតិ នៅមិនទាន់មានសញ្ញាណាមួយបញ្ជាក់ប្រាប់គេឯងថា មានកូននៅឡើយទេ ពោលគឺនៅតែបង្ហាញវត្តមានតាមកញ្ចក់ទូរទស្សន៍ធ្វើព្រងើយមិន សម្ងំនៅផ្ទះតមខ្លួនដូចការលើកមុនឡើយ៕
