សុខ ពិសី នៅតែលេចធ្លោជាមួយការគាំទ្ររបស់យុវវ័យ
សារព័ត៌មាន Cambodia News/
ភ្នំពេញ (១៤ កញ្ញា ២០១៦) ៖ តារាចម្រៀងស្រីស្រស់ ស្អាតសោភា កញ្ញា សុខ ពិសី កាន់តែមានឈ្មោះបោះសម្លេងល្បីល្បាញនៅក្នុងវិថីសិល្បៈ ដែលទទួលបានការគាំទ្រ និងប្រជាប្រិយភាពកាន់តែខ្លាំង ហើយជាកម្លាំងចិត្តមួយជំរុញអោយកញ្ញា កាន់តែមានកម្លាំងចិត្តទៅមុខនៅលើវិស័យសិល្បៈមួយនេះជាបន្តទៀត។
ជាមួយគ្នានេះដែរ នៅក្នុងឱកាសកម្មវិធីសន្និសិទ្ធសារព័ត៌មាន ដែលប្រព្រឹត្តទៅកាលពីថ្ងៃទី១២ ខែកញ្ញា ឆ្នាំ២០១៦ នៅសាកលវិទ្យាល័យន័រតុន វត្តមានរបស់ កញ្ញា សុខ ពិសី បង្កឲ្យមានការចាប់អារម្មណ៍គួរឲ្យកត់សម្គាល់ពីសំណាក់ទស្សនិកជន និងអ្នកគាំទ្រយុវវ័យ ដែលទៅចួលរួមក្នុងកម្មវិធីនោះ។
នៅក្នុងកម្មវិធីនោះផងដែរ កញ្ញា សុខ ពិសី មិនខុសពីសិល្បករ សិល្បការិនី ជាច្រើនដួងទៀត ដែលស្មគ្រ័ចិត្តច្រៀងរាំ មិនគិតកំរៃ ដើម្បីយកថវិកា ទៅជួយដល់មន្ទីរពេទ្រគន្ធបុប្ផា ដែលកំពុងជួបទុក្ខលំបាក៕
