គ្រោះថ្នាក់ចរាចរណ៍ថ្ងៃទី១៣ កញ្ញា ស្លាប់ម្នាក់ រងរបួសធ្ងន់៥នាក់
សារព័ត៌មាន Cambodia News/
ភ្នំពេញ (១៤ កញ្ញា ២០១៦) ៖ តាមរបាយការណ៍របស់ នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានអោយដឹងថា នៅថ្ងៃទី១៣ ខែកញ្ញា ឆ្នាំ២០១៦ មានករណីគ្រោះថ្នាក់ ចរាចរណ៍ នៅទូទាំងប្រទេស កើតឡើងចំនួន ៥លើក (យប់១លើក) បណ្តាលឲ្យមនុស្សស្លាប់ម្នាក់ រងរបួសធ្ងន់៥នាក់។
គ្រោះថ្នាក់ចរាចរណ៍ ទាំង៥លើកនេះ បណ្តាលឲ្យខូចខាតយានយន្ត សរុបចំនួន៧គ្រឿង រួមមានម៉ូតូចំនួន៤គ្រឿង, រថយន្តធុនតូច ចំនួន២គ្រឿង, កង់១គ្រឿង។
មូលហេតុដែលបណ្តាល ឲ្យកើតមានករណី គ្រោះថ្នាក់ចរាចរណ៍ រួមមាន មិនប្រកាន់ស្ដាំ១លើក, បត់គ្រោះថ្នាក់១លើក, ស្រវឹង១លើក, មិនគោរពសិទ្ធិ១លើក, មិនប្រកាន់ស្តាំ២លើក, ប្រជែង១លើក, និងកត្តាយានយន្ដ១លើក ក្នុងនោះ អ្នកមិនពាក់មួកសុវត្ថិភាព ពេលគ្រោះថ្នាក់ ៥ នាក់៕
