យុវជនអ្នកគាំទ្រលោក កឹម សុខា ១រូបត្រូវសមត្ថកិច្ចចាប់ខ្លួន
សារព័ត៌មាន Cambodia News/
ភ្នំពេញ (០៩ កញ្ញា ២០១៦) ៖ នៅព្រឹកថ្ងៃទី០៩ កញ្ញា នេះ អ្នកគាំទ្រលោក កឹម សុខា រាប់រយនាក់ប្រមូលផ្តុំនៅមុខសាលាដំបូងរាជធានីភ្នំពេញ ដើម្បី ទាម ទារ ឲ្យ តុលា ការ ទម្លាក់ បទ ចោទ ប្រឆាំង លោក កឹម សុខា ដោយពួកគេអះអាងថា ការចោទលោក កឹម សុខា គឺធ្វើឡើងក្រោមហេតុផលនយោបាយ។
ពេលកំពុងតវ៉ាលើកបដានោះ យុវជនម្នាក់ស្រែកឡើងឲ្យមានការតស៊ូទាមទារសេរីភាព និងទាមទារឲ្យទម្លាក់ចោលបទចោទប្រឆាំង មេដឹកនាំគណបក្សប្រឆាំងរូបនេះ ក៏ត្រូវសមត្ថកិច្ចចាប់បញ្ចូនខណ្ឌ៧មករា។
នៅព្រឹកនេះ តុលាការភ្នំពេញបើកសវនាការប្រឆាំងលោក កឹម សុខា ប៉ុន្តែលោក កឹម សុខា និងមេធាវី៤រូបរបស់លោកមិនចូលរួមទេ ដោយអះអាងថាតុលាការធ្វើខុសនីតិវិធី៕
