ក្រសួងអប់រំផ្លាស់ប្តូរថ្ងៃប្រកាសលទ្ធផលប្រឡងបាក់ឌុប
សារព័ត៌មាន Cambodia News/
ភ្នំពេញ (០៩ កញ្ញា ២០១៦) ៖ ក្រសួងអប់រំ យុវជន និងកីឡា បានឲ្យដឹងនៅថ្ងៃនេះថា លទ្ធផលសម្រាប់ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ត្រូវបានផ្លាស់ប្តូរមកប្រកាសនៅចុងសប្តាហ៍នេះវិញ។
តាមក្រសួង អប់រំ សម្រាប់មណ្ឌលប្រឡងរាជធានីភ្នំពេញ និងខេត្តកណ្តាល នឹងត្រូវប្រកាសនៅរសៀលថ្ងៃទី១០ ខែកញ្ញា ឆ្នាំ២០១៦, ដោយឡែកមណ្ឌលប្រឡងបណ្តាខេត្តផ្សេងៗទៀត នឹងប្រកាសនៅថ្ងៃទី១១ ខែកញ្ញា ឆ្នាំ២០១៦។
ការផ្លាស់ប្តូរកាលបរិច្ឆេទប្រកាសលទ្ធផលប្រឡងនេះ ក្រសួងបានបញ្ជាក់ថា គឺដោយសារដំណើរការស្រង់ បូកពិន្ទុដោយកុំព្យូទ័រ ការត្រួតពិនិត្យ និងផ្ទៀងផ្ទាត់ពិន្ទុរបស់បេក្ខជន បានប្រព្រឹត្តទៅប្រកបដោយភាពរលូនល្អ ពុំមានបាតុភាពមិនប្រក្រតីណាមួយកើតឡើង ដែលធ្វើឲ្យដំណើរការការងារទាំងស្រុងបញ្ចប់មុនការគ្រោងទុក៕
