កូនបង្កើតទាញព្រនង់សំពងក្បាលឪពុកបែកហូរឈាមកក្លាក់
សារព័ត៌មាន Cambodia News/
កណ្តាល (០៧ កញ្ញា ២០១៦) ៖ កូនប្រុសបង្កើតទាញព្រនង់សំពងក្បាលឪពុកបែកហូរឈាមស្រោចពីមុខ និងខ្លួន គ្រាន់តែប្រាប់ថា អត់មានអីស៊ីបាយ ។ ហេតុការណ៍កូនតិរិច្ឆានវាយឪពុកបង្កើតនេះកើតឡើងកាលពីវេលាម៉ោង៤ និង៣០នាទីល្ងាច ថ្ងៃទី៦ ខែកញ្ញា ឆ្នាំ២០១៦ នៅចំណុចផ្ទះជនរងគ្រោះស្ថិតក្នុងភូមិទួលត្នោត ឃុំគគីរ ស្រុកកៀនស្វាយ ខេត្តកណ្ដាល ។
មុនពេលកើតហេតុ ជនដៃដល់ត្រូវជាកូនបង្កើតបានដើរផឹកស៊ីស្រវឹង ហើយមកដល់ផ្ទះសួរឪពុកបង្កើតថា មានអីស៊ីបាយអត់ ខណៈនោះឪពុកបានឆ្លើយថា អស់ហើយ ។ ភ្លាមៗនោះជនដៃដល់ស្ទុះទៅប្រតាយប្រតប់ជាមួយឪពុករួចទាញយកដំបងឈើ ប៉ុនកដៃមនុស្សចាស់ប្រវែងប្រហែលកន្លះម៉ែត្រវាយទៅលើក្បាលឪពុក បង្កើតបណ្ដាលឲ្យបែកហូរឈាមស្រោចពេញផ្ទៃមុខ និងខ្លួនតែម្តង
ជនរងគ្រោះឈ្មោះ ស ម៉ៅ ភេទប្រុស អាយុ៤៥ឆ្នាំ មុខរបរកម្មករសំណង់ ចំណែកកូនតិរច្ឆានឈ្មោះ ស សុជាតិ ភេទប្រុស អាយុ១៨ឆ្នាំ មុខរបរ មិនពិតប្រាកដ រស់នៅក្នុងបន្ទុកជាមួយឪពុកម្តាយ ត្រូវសមត្ថកិច្ចនគរបាលប៉ុស្តិ៍ធ្វើការឃាត់ខ្លួនតាមពាក្យបណ្តឹងរបស់ ជនរងគ្រោះជាឪពុកបង្កើតក្រោយកើតហេតុភ្លាមៗយកទៅសួរនាំនៅអធិការ ដ្ធាននគរបាលស្រុក ៕
