គ្រោះថ្នាក់ចរាចរណ៍ថ្ងៃទី៣០ សីហា ស្លាប់ ១៤នាក់ របួសធ្ងន់-ស្រាល ៦នាក់
សារព័ត៌មាន Cambodia News/
ភ្នំពេញ (៣១ សីហា ២០១៦) ៖ ករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន ៦លើក ( យប់ ២លើក ) បណ្តាលអោយមនុស្សស្លាប់ ១៤នាក់ ( ស្រី ៦នាក់ ) រងរបួសធ្ងន់ ៥នាក់ ( ស្រី ៤នាក់ ) និងរងរបួសស្រាល ១នាក់ ( ប្រុស ) ។
ក្នុងរបាយការណ៍ បានឲ្យដឹងថា ក្នុងហេតុការណ៍គ្រោះថ្នាក់ចរាចរណ៍ទាំង ៦លើកនេះ បណ្តាលឲ្យខូចខាតយានយន្ត សរុប ចំនួន ១០គ្រឿង រួមមាន ម៉ូតូ ចំនួន ៤គ្រឿង រថយន្តធុនតូច ចំនួន ៥គ្រឿង និងយានផ្សេងៗ ចំនួន ១គ្រឿង ។
សូមបញ្ជាក់ថា របាយការណ៍នេះ (គិតចាប់ពីម៉ោង ១៤ ថ្ងៃទី២៩ ខែសីហា ដល់ម៉ោង ១៤ ថ្ងៃទី៣០ ខែសីហា ឆ្នាំ២០១៦ )។
របាយការណ៍ បានបន្ដទៀតថា មូលហេតុដែលបណ្តាលឲ្យកើតមានករណីគ្រោះថ្នាក់ ចរាចរណ៍ រួមមាន ល្មើសល្បឿន ៥លើក ( ស្លាប់ ៥នាក់ ) , និងប្រជែងគ្រោះថ្នាក់ ១លើក ( ស្លាប់ ៩នាក់ ) ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៤នាក់ ( យប់ ២នាក់ )៕
