ក្រោយរឿងអាស្រូវកូនស្រីបែកធ្លាយ លោក អូបាម៉ា នាំកូនស្រីទៅលំហែកាយ
សារប័ត៌មាន Cambodia News/
អាមេរិក (១៨ សីហា ២០១៦) ៖ បន្ទាប់ពីធ្លាយរឿងអាស្រូវកូនស្រីវ័យ ១៨ របស់លោកប្រធានាធិបតី បារ៉ាក់ អូបាម៉ា ( Barack Obama ) នាង ម៉ាលា អូបាម៉ា ( Malia Obama ) នៅក្នុងបណ្ដាញទំនាក់ទំនងសង្គមកាលពីដើមខែសីហានេះរួចមក លោក បារ៉ាក់ អូបាម៉ា ក៏បាននាំកូនស្រីខ្លួនរូបនោះទៅលំហែកាយតាមដងផ្លូវក្បែរកន្លែងរស់នៅរបស់លោក ដែលនេះជាទម្លាប់ធម្មតារបស់គ្រួសារលោកប្រធានាធិបតីរូបនេះ ។
យោងតាមសារខ្លីមួយនៅលើបណ្តាញទំនាក់ទំនងសង្គម Twitter ដែលសរសេរចេញពីសេតវិមានបានឲ្យដឹងថា «ពេលនេះលោកប្រធានាធិបតី និង កូនស្រី ម៉ាលា អូបាម៉ា នាំគ្នាដើរលំហែរយៈពេលខ្លីមួយនៅលើដងផ្លូវក្បែរកន្លែងរស់នៅរបស់ពួកគេ» ។
សម្រាប់សារខ្លីនេះត្រូវបានបង្ហាញក្រោយធ្លាយវីដេអូអាស្រូវរបស់នាង ម៉ាលា អូបាម៉ា ដោយបង្ហាញពីសកម្មភាពជក់បារីនៅក្នុងព្រឹត្តិការប្រគុំតន្ត្រី Lollapalooza ដែលបានរៀបចំឡើងកាលពីដើមខែ សីហា ឆ្នាំ ២០១៦ កន្លងទៅនេះ ៕
