តុលាការបន្តការសាកសួរឃាតករបាញ់សម្លាប់លោកបណ្ឌិត កែម ឡី
សារព័ត៌មាន Cambodia News/
ភ្នំពេញ (១២ សីហា ២០១៦) ៖ នៅព្រឹកថ្ងៃទី១២ សីហា នេះ មន្ត្រីពន្ធនាគារព្រៃសបានបញ្ជូនឃាតករដែលបាញ់សម្លាប់ លោកបណ្ឌិត កែម ឡី ឈ្មោះ ជួប សម្លាប់ មកដល់សាលាដំបូងរាជធានីភ្នំពេញ ដើម្បីសាកសួរបន្ថែម។
ជនដៃដល់រូបនេះត្រូវបានចៅក្រមស៊ើបសួរ នៃសាលាដំបូងរាជធានីភ្នំពេញ លោក សេង លាង សម្រេចឃុំខ្លួនជាបណ្តោះអាសន្ន កាលពីថ្ងៃទី១៣ ខែកក្កដា ឆ្នាំ២០១៦ ដោយចោទប្រកាន់ចំនួន២ករណី ដែលធ្វើឱ្យរូបគេប្រឈម នឹងការជាប់ពន្ធនាគារមួយជីវិតក្នុងនោះទី១ ពីបទឃាតកម្មគិតទុកជាមុន និងទី២ ជាបទ កាន់កាប់អាវុធគ្មានការអនុញ្ញាត៕
