រថយន្តក្រុងដឹកអ្នកកាសែត និងគណៈកម្មការ កីឡាអូឡាំពិក ត្រូវគេលួចបាញ់ប្រហារ
សារព័ត៌មាន Cambodia News/
ប្រេស៊ីល (១០ សីហា ២០១៦) ៖ រថយន្តក្រុងមួយគ្រឿង ត្រូវបានគេអះអាងថា ជារថយន្តក្រុងដឹកអ្នកកាសែត និងគណៈកម្មការនៃព្រឹត្តការណ៍អូឡាំពិកនៅប្រទេសប្រេស៊ីល បានរងការវាយប្រហារដោយគ្រាប់កាំភ្លើងនៅក្នុងអំឡុងពេលធ្វើដំណើរតាមដងផ្លូវ តែសំណាងល្អគ្មានអ្នករបួសធ្ងន់ធ្ងរ ឬបាត់បង់ជីវិតនោះទេ។
ហេតុការណ៍នេះបានកើតឡើងនៅថ្ងៃទី១០ ខែសីហា ២០១៦ វេលាម៉ោង១២:៥០នាទី រំលងអាធ្រាត នៅត្រង់ចំនុចតាមដងផ្លូវក្បែរទីលានប្រកួត ព្រឹត្តការណ៍អូឡាំពិក។
យោងតាមប្រភពបានបញ្ជាក់ឲ្យដឹងថា អ្នកធ្វើដំណើរនៅក្នុងរថយន្តក្រុង សុទ្ធសឹងតែជាអ្នកកាសែត និងគណៈកម្មការ ដែលទើបវិលត្រលប់មកពីធ្វើការងាររបស់ខ្លួន ក្នុងការប្រកួតវិញ្ញាសារបាល់បោះនារី នៃកីឡាអូឡាំពិក។
បន្ទាប់ពីពួកគេទទួលរងនូវការបាញ់ប្រហាររួចមក ពួកគេត្រូវបានបញ្ជូនមកកាន់មជ្ឈមណ្ឌលសារព័ត៌មានវិញភ្លាមៗ ដែលមានទីតាំងនៅកន្លែងប្រកួតព្រឹត្តការណ៍អូឡាំពិក ដើម្បីចៀសវាងគ្រោះថ្នាក់ផ្សេងៗទៀតកើតមានឡើង។
យ៉ាងណាមិញ មូលហេតុយ៉ាងណានោះ គេនៅមិនទាន់ដឹងច្បាស់នៅឡើយ ដោយស្ថិតនៅក្នុងការសង្ស័យថា អាចជាករណីឃាតកម្មលក្ខណៈបុគ្គល ឬជាករណីភេរវកម្មក៏អាចថាបាន៕
