ប្រព័ន្ធផ្សព្វផ្សាយចិន ជំរុញឱ្យរៀបផែនការត្រៀមសម្រាប់សភាពការណ៍អាក្រក់នៅសមុទ្រចិនខាងត្បូង
សារព័ត៌មាន Cambodia News/
ភ្នំ ពេញ (០៦ កក្កដា ២០១៦) ៖ ប្រព័ន្ធផ្សព្វផ្សាយចិនបានជំរុញឱ្យរដ្ឋាភិបាលត្រៀមសម្រាប់ជម្លោះ ប្រដាប់អាវុធប្រឆាំងនឹងសហរដ្ឋអាមេរិកក្នុងសមុទ្រចិនខាងត្បូង ឬ “ផែនការត្រៀមសម្រាប់សភាពការណ៍អាក្រក់” ដោយនិយាយយ៉ាងតានតឹងនៅមុនសេចក្តីសម្រេចរបស់តុលាការអាជ្ញាកណ្តាល ដែលរំពឹងប្រឆាំងនឹងការអះអាងសិទ្ធិកាន់កាប់ទឹកដីរបស់ចិន។
កាសែត The Global Times ដែលមានទំនាក់ទំនងជាមួយបក្សកុម្មុយនីស្តចិនបាននិយាយាកាលពីថ្ងៃ អង្គារថា ចិនគួរតែអាច “ទុកឱ្យអាមេរិកចំណាយការខាតបង់ ដែលខ្លួនមិនអាចទ្រាំទ្របាន ប្រសិនបើប្រទេសនេះធ្វើអន្តរាគមន៍ក្នុងជម្លោះសមុទ្រចិនខាងត្បូង តាមរយៈកម្លាំងបាយ”។
កាសែតនេះបានបន្ថែមថា ចិនសង្ឃឹមថាជម្លោះអាចដោះស្រាយបានតាមរយៈការចរចា ប៉ុន្តែខ្លួន (ចិន) ត្រូវតែត្រៀមខ្លួនសម្រាប់ការប្រឈមមុខផ្នែកយោធាណាមួយ។ នេះជារឿងធម្មតាក្នុងទំនាក់ទំនងអន្តរជាតិ”។
ក្នុងបទ វិចារណកថារបស់កាសែតរដ្ឋមួយនេះនិយាយថា “វាជារឿងសមហេតុសមផលដែលបកស្រាយថា សមយុទ្ធដែលបានរៀបចំនេះជាការឆ្លុះបញ្ចាំងអំពីការត្រៀមលក្ខណៈរបស់ ប្រទេសសម្រាប់ការប្រយុទ្ធរយៈពេលវែងដើម្បីការពារអធិបតេយ្យភាព របស់ខ្លួន”៕
