រថយន្តក្រុងនៅចិនផ្ទុះឆេះស្លាប់ ៣៥នាក់
សារព័ត៌មាន Cambodia News/
ចិន (២៧ មិថុនា ២០១៦) ៖ បណ្តាញសារព័ត៌មានរដ្ឋរបស់ចិនបាននិយាយថា មនុស្សយ៉ាងតិចណាស់ចំនួន៣៥នាក់ ដោយរួមទាំងក្មេង២នាក់បានស្លាប់ នៅពេលដែលរថយន្តក្រុងធំមួយបានផ្ទុះឆេះជាអណ្តាតភ្លើង បន្ទាប់ពីវាបានបុកចូលរបាំងផ្លូវម្ខាងទៀតនៅលើផ្លូវមួយនៅប្រទេស ចិនភាគកណ្តាលកាលពីថ្ងៃអាទិត្យ។
ទីភ្នាក់សារព័ត៌មាន ស៊ីនហួរបស់ចិនបានរាយការណ៍ថា មនុស្សចំនួន២១នាក់បានរងរបួស ហើយអ្នកបើករថយន្តនេះ ត្រូវបានចាប់ឃាត់ខ្លួន។
ក្រុមមន្ត្រី ជឿថា ការលេចធ្លាយប្រេងដែលបង្កឡើងដោយរថយន្តក្រុងដែលបានទៅបុកចូលរបាំង ផ្លូវម្ខាងទៀតនោះអាចបង្កឱ្យមានអគ្គិភ័យឆាបឆេះឡើង។ មូលហេតុននៃការបុករបាំងផ្លូវនេះ មិនត្រូវបានគេដឹងច្បាស់នោះទេ៕
