គ្រោះថ្នាក់ចរាចរណ៍ម្សិលមិញស្លាប់៥ របួសធ្ងន់-ស្រាល១៤
ថ្ងៃសុក្រ ទី១៧ ខែមិថុនា ឆ្នាំ២០១៦
សារព័ត៌មាន Cambodia News/
ភ្នំពេញ ៖ កាលពីថ្ងៃទី១៦ មិថុនា ២០១៦ ករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន៩លើក (យប់២លើក) មនុស្សស្លាប់៥នាក់ រងរបួសធ្ងន់៥នាក់ និងរបួសស្រាល៩នាក់ ។ នេះបើតាមការចុះផ្សាយរបស់ គេហទំព័រអគ្គស្នងការនគរបាលជាតិ។
ក្នុងហេតុការណ៍គ្រោះថ្នាក់ ចរាចរណ៍ទាំង៩លើកនេះ បណ្តាលឲ្យខូចខាតយានយន្ត សរុបចំនួន១៣គ្រឿង រួមមានម៉ូតូចំនួន៦គ្រឿង រថយន្តធុនតូចចំនួន៦គ្រឿង រថយន្តធុនធំចំនួន១គ្រឿង ហើយមូលហេតុដែលបណ្តាលឲ្យ កើតមានករណីគ្រោះថ្នាក់ចរាចរណ៍ រួមមានល្មើសល្បឿន៥លើក, ប្រជែង៣លើក, មិនប្រកាន់ស្តាំ១លើក។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍៦នាក់៕
