ខ្មាន់កាំភ្លើងបាញ់រះក្នុងក្លឹប ស្លាប់៥០នាក់ និង រងរបួសជាច្រើននាក់
សារព័ត៌មាន Cambodia News/
មនុស្ស ចំនួន៥០នាក់ បានស្លាប់ កាលពីថ្ងៃអាទិត្យ នៅពេលដែលខ្មាន់កាំភ្លើងម្នាក់ដែលត្រូវបានជំរុញលើកទឹកចិត្តដោយក្រុម IS នោះបានបាញ់រះនៅខាងក្នុងក្លឹបកម្សាន្តមួយ នៅទីក្រុងអ័រលែនដូ រដ្ឋផ្លរីដា។
ខ្មាន់កាំភ្លើងឈ្មោះ Omar Mateen អាយុ២៩ឆ្នាំ បានសម្លាប់មនុស្ស៥០នាក់និងធ្វើឱ្យរងរបួសមនុស្ស៥៣ នាក់នៅក្នុងក្លឹបកម្សាន្ត Pulse នេះ នៅមុនពេលអ្នកវាយប្រហារនេះត្រូវបានបាញ់សម្លាប់ដោយប៉ូលិស។
ប៉ូលិស បាននិយាយថា ខ្មាន់កាំភ្លើងនេះត្រូវបានសម្លាប់ក្នុងការបាញ់តដៃជាមួយក្រុមប៉ូលិស ចំនួន១១នាក់ បន្ទាប់ពីអ្នកវាយប្រហារនេះបានចាប់មនុស្សច្រើននាក់ធ្វើជា ចំណាប់ខ្មាំងនៅក្នុងក្លឹបកម្សាន្តនេះ៕ ប្រែសម្រួលដោយ ៖ សារព័ត៌មានយុវវ័យថ្មី (ប្រភពពី BBC)
