ប្រមុខរដ្ឋវៀតណាម នឹងមកបំពេញទស្សនកិច្ចនៅថ្ងៃទី១៥-១៦មិថុនា ខាងមុខនេះ
សារព័ត៌មាន Cambodia News/
ភ្នំពេញ (១០ មិថុនា ២០១៦) ៖ យោងតាមសេចក្តីជូនព័ត៌មានរបស់ក្រសួងការបរទេសនិងសហប្រតិបត្តិការអន្តរជាតិ ចុះថ្ងៃទី១០ មិថុនា នេះបានឲ្យដឹងថា ប្រធានរដ្ឋនៃសាធារណរដ្ឋសង្គមនិយមវៀតណាម លោក ត្រាន់ ដាយ ខ្វាង ( Tran Dai Quang ) នឹងអញ្ជើញមកបំពេញទស្សនកិច្ចផ្លូវរដ្ឋនៅកម្ពុជាពីថ្ងៃទី១៥ ដល់ថ្ងៃទី១៦ មិថុនា ២០១៦ ។
បើ តាមសេចក្តីជូនព័ត៌មានដដែល អំឡុងពេឡទស្សនកិច្ចផ្លូវរដ្ឋនាសប្តាហ៍ក្រោយតាមការអញ្ជើញ របស់ព្រះករុណា ព្រះបាទ សម្តេចព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជានេះដែរ លោកប្រធានរដ្ឋវៀតណាម នឹងចូលបង្គំគាល់ព្រះមហាក្សត្រនៅក្នុងព្រះបរមរាជវំាង។
ជួបសម្តេចវិបុលសេនាភក្តី សាយ ឈុំ ប្រធានព្រឹទ្ឋសភា ជួបសម្តេចអគ្គមហាពញាចក្រី ហេង សំរិន ប្រធានរដ្ឋសភា ជួបសម្តេចអគ្គមហាសេនាបតីតេជោ ហ៊ុន សែន និង ចូលថ្វាយបង្គំសម្តេចអគ្គមហាសង្ឃរាជាធិបតី ទេព វង្ស សម្តេចព្រះសង្ឃរាជនៃគណៈមហានិកាយ និង សម្តេចអភិសិរីសុគន្ឋាមហាសង្ឃរាជាធិបតី បួរ គ្រី សម្តេចព្រះសង្ឃរាជនៃគណៈធម្មយុត្តិកនិកាយនៃ ព្រះរាជាណាចក្រកម្ពុជាផងដែរ ៕
