ការទូទាត់ប្រាក់តាមប្រព័ន្ធអេឡិចត្រូនិកកំពុងកើនឡើងនៅវៀតណាម
សារព័ត៌មាន Cambodia News/
វៀតណាម (០៩ មិថុនា ២០១៦) ៖ ការទូទាត់ប្រាក់តាមប្រព័ន្ធអេឡិចត្រូនិករបស់វៀតណាមកើនឡើងកាន់តែ ខ្លាំង ដែលបានបន្ថែមតម្លៃ៨៨០លានដុល្លារទៅលើផលិតផលក្នុងស្រុកសរុប(GDP) របស់វៀតណាម ចាប់តាំងពីឆ្នាំ២០១១ ដល់ឆ្នាំ២០១៥ ។ នេះបើយោងតាមរបាយការណ៍បានចុះផ្សាយដោយក្រុមហ៊ុនMoody’s ។
ឥទ្ធិពលនៃការបង់ប្រាក់តាមប្រព័ន្ធអេឡិចត្រូនិកទៅលើ កំណើនសេដ្ឋកិច្ច ត្រូវបានគេប្រើ ប្រាស់កាន់តែខ្លាំងឡើងគួរឲ្យកត់សម្គាល់ ដែលបានបង្កើតការងារជាមធ្យមចំនួន៧៥.០០០ការងារប្រចាំឆ្នាំ នៅក្នុងរយៈពេល៥ឆ្នាំ ។
របាយការណ៍របស់ក្រុមហ៊ុន Moody’s បង្ហាញថា ក្នុងចំណោមបណ្តាប្រទេសអាស៊ាន វៀត ណាម គឺជាប្រទេសដែលមានកំណើនផលិតផលក្នុងស្រុកសរុបខ្ពស់ជាងគេទី២ ដោយសារតែការទូទាត់ប្រាក់តាមប្រព័ន្ធអេឡិចត្រូនិកបានកើនឡើង ៕
