អភិបាលរាជធានីភ្នំពេញមិនអនុញ្ញាតឲ្យមានការដង្ហែញត្តិថ្វាយព្រះមហាក្សត្រ
សារព័ត៌មាន Cambodia News/
ភ្នំពេញ (៣០ ឧសភា ២០១៦) ៖ អភិបាលរាជធានីភ្នំពេញ លោក ប៉ា សុជាតិវង្ស មិនអនុញ្ញាតឲ្យមានការដង្ហែញត្តិថ្វាយព្រះមហាក្សត្រនោះទេ ដោយយោងទៅតាមហេតុផលមួយចំនួនទៀតរួមមាន៖ ទី១៖ ការពាក្យស្នើសុំមានភាពប្រថុចញ៉ុច ពោលសុំពេលព្រឹក ធ្វើពេលល្ងាច ផ្ទុយពីច្បាប់ ដែលបានកំណត់, ទី ២៖ ពាក្យពេចន៍ នៃការស្នើសុំ ដូចជាធ្វើរដ្ឋប្រហារធម្មនុញ្ញ និងរំលោភលើចំណាត់ការរបស់តុលាការទី៣៖ ដើម្បីរក្សាសណ្តាប់ធ្នាប់សង្គម ព្រោះអាចមានការប៉ះទង្គិចរវាងអ្នកប្រឆាំង និងអ្នកគាំទ្រគណបក្សសង្គ្រោះជាតិ។
លោកអភិបាលបានអះអាងថា សាលារាជធានីភ្នំពេញ នឹងមានលិខិតជូនទៅខាងគណបក្សសង្គ្រោះជាតិ អំពីការហែញត្តិ ដោយរកដំណោះស្រាយជៀសវាងបញ្ហាប៉ះពាល់ទង្គិចគ្នា។ ដោយក្នុងនោះលោកអភិបាល បានបញ្ជាក់យ៉ាងច្បាស់ថា ដំណោះស្រាយអាចទៅរួច ប្រសិនចាត់តំណាងត្រឹម១០-១៥នាក់ ដើម្បីហែញតិ្ត ហើយខាងសាលារាជធានីភ្នំពេញ នឹងជួយសម្របសម្រួលជាមួយខាងព្រះបរមរាជវាំង៕
