ធី សុវណ្ណថា ថា នឹងដឹកនាំមនុស្សជាង១ម៉ឺននាក់គាំទ្រ ការចាប់ខ្លួនលោក កឹម សុខា
សារព័ត៌មាន Cambodia News/
ភ្នំពេញ (២៨ ឧសភា ២០១៦) ៖ នៅក្នុងខ្សែអាត់វីដេអូប៉ុន្មាននាទី ដែលបង្ហោះនៅលើ Facebook របស់កញ្ញា ធី សុវណ្ណថា បាននិយាយ ថា នឹងដឹកនាំមនុស្សជាង១ម៉ឺននាក់ធ្វើការគាំទ្រចំណាត់ការរបស់តុលាការ ក្នុងការចាប់ខ្លួនលោក កឹម សុខា ។
ជាមួយ គ្នានេះដែរ ធី សុវណ្ណថា ដែលគេស្គាល់ថាជាយុវនារីធ្វើសកម្មភាពយ៉ាងសកម្មខាងនយោបាយគាំទ្រ បក្សប្រឆាំងអំឡុងពេលនិងក្រោយការបោះឆ្នោតជាតិឆ្នាំ២០១៣ ក៏បានទាមទារឲ្យលោក កឹម សុខា មានភាពក្លាហានទទួលខុសត្រូវចំពោះមុខច្បាប់ផងដែរ ។
មិនទាន់ មានប្រតិកម្មតបភ្លាមៗនៅឡើយទេ ពីមន្ត្រីគណបក្សសង្គ្រោះជាតិ គិតត្រឹមវេលាម៉ោង១និង៣០នាទីរសៀលថ្ងៃទី២៧ ឧសភា ឆ្នាំ២០១៦ ។
ការ លើកឡើងរបស់កញ្ញា ធី សុវណ្ណថា ខាងលើនេះ ត្រូវបានក្រុមអ្នកតាមដានស្ថានការណ៍នយោបាយមើលឃើញថា ជាការឆ្លើយតបភ្លាមៗចំពោះសេចក្តីប្រកាសព័ត៌មានស្តីពីលទ្ឋផល នៃ កិច្ចប្រជុំគណៈកម្មាធិការអចិន្ត្រៃយ៍គណបក្សសង្គ្រោះជាតិ ដែលប្រកាសធ្វើមហាបាតុកម្មអហិង្សា ប្រសិនបើមានការចាប់ខ្លួនលោក កឹម សុខាមែននោះ ៕
