នាយករដ្ឋមន្ត្រីថ្មីវៀតណាមថា មិនប្រណាំងប្រជែងសព្វាវុធនៅសមុទ្រចិនខាងត្បូង
សារព័ត៌មាន Cambodia News/
វៀតណាម (២៦ ឧសភា ២០១៦) ៖ នាយករដ្ឋមន្ត្រីថ្មីវៀតណាម លោក ង្វៀន សួន ភូក (Nguyen Xuan Phuc) បាននិយាយថា វៀតណាមមិនមានបំណងចូលពាក់ព័ន្ធការប្រណាំងប្រជែងខាងយោធានៅសមុទ្រចិនខាងត្បូងនោះទេ ហើយនឹងបន្តធ្វើគ្រប់មធ្យោបាយដោយសន្តិវិធីដើម្បីការពារទឹកដីរបស់ខ្លួន ដោយមិនគំរាមកំហែងដល់ប្រទេសផ្សេងទៀតជាមួយនឹងកម្លាំងយោធានោះទេ។
លោក ង្វៀន សួន ភូក បាននិយាយថា វៀតណាមមិនមានគោលនយោបាយប្រណាំងប្រជែងគ្រឿងសព្វាវុធនិងយោធានោះទេ ប៉ុន្តែយើងមានវិធានការដ៏ចំបាច់រួមគ្នាជាមួយប្រទេសផ្សេងៗទៀត និងប្រទេសជាមិត្តអន្តរជាតិ ដូចជា ជប៉ុន ដើម្បីរក្សាសន្តិភាព សេរីភាពនៃការធ្វើនាវាចរណ៍ ការហោះហើរ និងការធ្វើពាណិជ្ជកម្មនៅសមុទ្រចិនខាងត្បូង។
សេចក្តីប្រកាសរបស់ លោក បារ៉ាក់ អូបាម៉ា កាលពីថ្ងៃចន្ទដើម្បីបញ្ចប់បំរាមលក់គ្រឿងសព្វាអាវុធទៅឱ្យវៀតណាម បានធ្វើឡើង ចំពេលដែលវៀតណាមកំពុងស្វែងរកគ្រឿងសព្វាវុធដើម្បីបង្កើនសមត្ថភាពដល់កងទ័ពរបស់ខ្លួន៕
