មនុស្សជិត ៤០០នាក់ត្រូវគេជឿថាបានស្លាប់ក្នុងហេតុការណ៍បំណាក់ដីនៅស្រីលង្កា
សារព័ត៌មាន Cambodia News/
ស្រីលង្កា (១៩ ឧសភា ២០១៦) ៖ មនុស្សជាង ៣៥០នាក់ត្រូវបានគេសង្គ្រោះចេញពីបំណាក់ដីភ្លាមៗ ហើយបើតាមការប៉ាន់ប្រមាណឃើញថា មនុស្សពី ៣០០ ទៅ ៤០០នាក់កំពុងបាត់បង់ជីវិតក្នុងបំណាក់ដីធំៗ ២កន្លែងនៅតំបន់ភាគកណ្ដាលប្រទេសស្រីលង្កា។
មន្ត្រីទទួល បន្ទុកលើបញ្ហាគ្រោះមហន្តរាយធម្មជាតិ ឲ្យដឹងកាលពីថ្ងៃពុធម្សិលមិញថា នេះជាចំនួនអ្នកស្លាប់ដែលគេធ្វើស្ថិតិ ក្នុងពេលក្រុមសង្គ្រោះបានបញ្ឈប់ការងាររបស់ខ្លួន បន្ទាប់ពីបានរកឃើញសាកសពមនុស្សរាប់សិបនាក់ហើយនោះ។
ភ្លៀង ងងឹតមេឃរយៈពេលប៉ុន្មានថ្ងៃឥតឈប់ បានបង្ខំឲ្យមនុស្សជាង ២សែន ២ម៉ឺន ៣ពាន់នាក់ចាកចេញពីលំនៅដ្ឋានរបស់ខ្លួន នៅពាសពេញតំបន់មួយចំនួននៃប្រទេសនៅអាស៊ីភាគខាងត្បូងមួយនេះ។
ការ ស្រាវជ្រាវរុករកនាពេលចុងក្រោយនេះ គេបានរកឃើញសាកសពមនុស្ស ១៧នាក់ថែមទៀតធ្វើឲ្យចំនួនអ្នកស្លាប់កើនឡើងដល់ ៣៧នាក់៕
