សមត្ថកិច្ចថៃឃាត់ខ្លួនអ្នកតវ៉ា ៧នាក់
សារព័ត៌មាន Cambodia News/
ថៃ (០៩ មិថុនា ២០១៤) ៖ តាមការចុះផ្សាយរបស់ បណ្តាញសារព័ត៌មាន Channel News Asia កាលពីថ្ងៃទី០៨ ខែមិថុនា ម្សិលមិញ នគរបាលថៃ បានឃាត់ខ្លួនអ្នកតវ៉ា៧នាក់ នៅពេលដែល ពួកគេប្រមូលផ្តុំនៅផ្សារទំនើបមួយក្បែរទីក្រុងបាងកក ដើម្បីប្រឆាំងនិងដាក់ពង្រាយកម្លាំងរាប់ពាន់នាក់ បង្ការការតវ៉ាទាក់ទងនយោបាយនានា។
ការចាត់វិធានការរបស់សមត្ថកិច្ចនេះ នៅពេលដែលអ្នកតវ៉ាប្រមាណ២០នាក់ ប្រមូលផ្តុំនៅក្បែរផ្សារទំនើបមួយដែលមានសមត្ថកិច្ចនៅយាមកាមទីនោះ។
ការតវ៉ាជាទ្រង់ទ្រាយតូច បានរីករាលដាលរហូតចាប់ពីយោធាធ្វើរដ្ឋប្រហារចូលកាន់អំណាច កាលពីថ្ងៃទី២២ ខែឧសភាមក។ កម្លាំងយោធា និងនគរបាលជាង៦៥០០នាក់ ត្រូវដាក់ពង្រាយនៅតាមតំបន់ជាច្រើននៅក្នុងទីក្រុង។
ក្រោយពីមានភាពចលាចលនយោបាយ ដោយសារបាតុករដែលមាននិន្នាការគាំទ្រគណបក្សប្រជាធិបតេយ្យតវ៉ាប្រឆាំងរដ្ឋាភិបាល ដែលដឹកនាំដោយគណបក្សភឿថៃអស់ជាង៦ខែនោះ។ ក្រុមយោធា ក៏បានសុំការ អនុញ្ញាតពីព្រះមហាក្សត្រដើម្បីគ្រប់គ្រងស្ថានប្រទេស៕
