ការប៉ះទង្គិចគ្នាបានកើតឡើងយ៉ាងខ្លាំងនៅទីក្រុងមីស្រាតារ
សារព័ត៌មាន Cambodia News/
លីប៊ី (១៧ ឧសភា ២០១៦) ៖ កងទ័ពប្រទេសលីប៊ី បានប៉ះទង្គិចជាមួយក្រុមអ្នកប្រយុទ្ធរដ្ឋអ៊ីស្លាម កាលពីថ្ងៃចន្ទម្សិលមិញ នៅទីក្រុងមីស្រាតានាភាគខាងកើតប្រទេស ការវាយប្រហារនេះធ្វើឡើង ស្របពេលកងទ័ពនៅភាគខាងលិចប្រទេស កំពុងរៀបចំវាយប្រហារនៅទីក្រុងសឺត ដែលនៅទីនោះក្រុមរដ្ឋអ៊ីស្លាមបានរឹបអូសកាន់កាប់កាលពីឆ្នាំ មុខ។
ការ បង្កើនកិច្ចប្រតិបត្តិការនៅតាមតំបន់ផ្សេងៗយ៉ាងច្រើនក្នុង ប្រទេសនេះ គឺដើម្បីបង្ក្រាបក្រុមសកម្មប្រយុទ្ធរដ្ឋអ៊ីស្លាម ដែលកំពុងបង្កើនកម្លាំងរឹបអូសកាន់កាប់ទឹកដី កាន់តែធំចាប់តាំងពីខែមុនមកនោះ។
ប្រភពព័ត៌មានឲ្យដឹងថា កងទ័ពមានមូលដ្ឋាននៅក្នុងទីក្រុងមីស្រាតា បានទទួលការគាំទ្រផ្នែកយោធាពីអន្តរជាតិ ដើម្បីជួយដណ្ដើមយកទីក្រុងនេះមកវិញ ក្រោយពេលដែលទីនោះបានក្លាយទៅជាមូលដ្ឋាន យ៉ាងសំខាន់បំផុតរបស់ក្រុមរដ្ឋអ៊ីស្លាម ក្រៅពីប្រទេសស៊ីរី និងអ៊ីរ៉ាក់៕ ប្រែសម្រួលដោយ៖ យុវវ័យថ្មី
