សម្តេចតេជោ ៖ ការថែរក្សាដើមត្នោត ដូចជាថែរក្សាអត្តសញ្ញាណប្រទេស
សារព័ត៌មាន Cambodia News/
ភ្នំពេល (១៧ ឧសភា ២០១៦) ៖ សម្តេចតេជោ ហ៊ុន សែន បានបង្ហោះសារក្នុងទំព័រ facebook ថា “ដើមត្នោតខ្មែរ មានសារៈប្រយោជន៌ជាច្រើនគឺចាប់តាំងពីផ្លែ ស្លឹក និងដើម ទន្ទឹមនឹងនេះ ត្នោតក៏ជាអត្តសញ្ញាណនៃដើមឈើរបស់កម្ពុជាផងដែរ។
ប្រទេសមួយចំនួនគ្មានដើមត្នោតដូចកម្ពុជាទេ តែគេបានយកកូនត្នោតពីប្រទេសយើងទៅដាំលំអរលើកសោភ័ណភាពនៅតាម ដងផ្លូវ និងតាមទីរមណីយដ្ឋានផ្សេងៗ។ ច្បាស់ណាស់ ដើមត្នោតគឺជាបេះដូង និងមោទនៈភាពរបស់កម្ពុជាគ្រប់ៗរូប។
ថែរក្សា និងបន្តដាំដើមត្នោត គឺថែរក្សាអត្តសញ្ញាណប្រទេសផង និងបន្តផ្តល់ផលប្រយោជន៌ដល់ ប្រជាពលរដ្ឋយើងផង ព្រម ទាំងទាក់ទាញដល់ទេសចរណ៍ពីប្រទេសដទៃដែលគ្មានដើមត្នោតអោយបានមកស្គាល់កម្ពុជាផងដែរ៕
