ក្រសួងធនធានទឹកប្រកាសឲ្យប្រុងប្រយ័ត្នផ្គររន្ទះ និងខ្យល់កន្ត្រាក់
សារព័ត៌មាន Cambodia News/
ភ្នំពេញ (១១ ឧសភា ២០១៦) ៖ ក្រសួងធនធានទឹក និងឧតុនិយម នៅថ្ងៃនេះបានប្រកាសឲ្យដឹងថា ចាប់ពីថ្ងៃទី១១ ដល់ថ្ងៃទី១៨ ខែឧសភា ឆ្នាំ២០១៨ ខាងមុខ សីតុណ្ហភាពមានការធ្លាក់ចុះបន្តិច គឺនៅតំបន់ទំនាបមានពី ៣៦ ដល់ ៣៨អង្សាសេ តំបន់ខ្ពង់រាប មានពី ៣៥ ដល់៣៧ អង្សាសេ និងតំបន់មាត់សមុទ្រមានពី៣៤ ដល់ ៣៦អង្សាសេ។
ចំណែក ឯ ស្ថានភាពទឹកភ្លៀងវិញ នៅតំបន់វាលទំនាប និងតំបន់មាត់សមុទ្រ អាចនឹងមានភ្លៀងធ្លាក់រាយប៉ាយពីតិចទៅច្រើន និងនៅតំបន់ខ្ពង់រាប អាចនឹងមានភ្លៀងធ្លាយរាយប៉ាយពីមធ្យមទៅច្រើន។ ហើយក្នុងនោះ ក្រសួងស្នើឲ្យប្រជាពលរដ្ឋមានការប្រុងប្រយ័ត្នខ្ពស់ចំពោះ បាតុភូតផ្គរ រន្ទះ និងខ្យល់កន្ត្រាក់ នៅពេលមេឃរកកលភ្លៀង ជាពិសេសនៅតំបន់វាលទំនាប និងតំបន់ខ្ពង់រាប៕
