រាជរដ្ឋាភិបាលចេញអនុក្រឹត្យស្ដីពី វិធានការហាមជក់បារី
សារព័ត៌មាន Cambodia News/
ភ្នំ ពេញ (០៥ ឧសភា ២០១៦) ៖ ក្រសួងសុខាភិបាលជម្រុញឲ្យមន្ទីរសុខាសភិបាលផ្សព្វផ្សាយជូនដល់ប្រធាន មណ្ឌលសុខភាព ប្រធានមនី្ទរពេទ្យបង្អែក និងមន្ត្រីនៅក្រោមចំណុះ មន្ទីរសុខាភិបាល រាជធានីភ្នំពេញ បានជ្រួតជ្រាប និងធ្វើការផ្សព្វផ្សាយ ដល់មន្ត្រីនិងបុគ្គលឹកក្នុងស្ថាបន័របស់ខ្លួនបន្តបន្ថែមទៀត ក្នុងគោលបំណងការពារសុខុមាលភាពរបស់ប្រជាជន និងផលប់ះពាល់ដល់បរិស្ថានផងដែរ ។
ក្រសួងសុខាភិបាល ជាស្ថាប័នមានសមត្ថកិច្ចក្នុងការណែនាំ ផ្សព្វផ្សាយ អនុវត្ត និងត្រួតពិនិត្យលើការអនុវត្តការហាម ការជក់ និងការបង្ហុយផ្សែងផលិតផលថ្នាំជក់នៅកន្លែងធ្វើការ និងកន្លែងសាធារណះ ។
ក្នុងករណីជនណាមិនគោរពតាមបទប្បញ្ញតិ្តមាត្រា៧ នៃអនុក្រឹត្យ៤៣នេះ នឹងត្រូវពិន័យអន្តរការណ៍ជាបា្រក់២ម៉ឺនរៀល ។
រីអ្នកគ្រប់គ្រង ឬម្ចាស់កន្លែងធ្វើការ ឬម្ចាស់កន្លែងសាធារណះដែលមិនអនុវត្តតាមបទប្បញ្ញតិ្តមាត្រា៩ មាត្រា១០ និងមាត្រា១១ នៃអនុក្រឹត្យនេះ ដែរ ក៏ត្រូវពិន័យអន្តរការណ៍ជាបា្រក់ ៥ម៉ឺនរៀល ក្នុងករណីមិនរាងចាលត្រូវពិន័យទ្វេរដង ថែមទៀត៕
