វៀតណាមរកឃើញករណីឆ្លងក្នុងសហគមន៍នៃវីរុសបំប្លែងខ្លួនថ្មីឌាលើកដំបូង

សារព័ត៌មាន Cambodia News/

ហាណូយ (៥ ឧសភា ២០២១) ៖ កាលពីថ្ងៃទី​៤ ខែឧសភា ម្សិល​មិញ​ ក្រសួងសុខាភិបាលវៀតណាម បានរាយការណ៍ពីការរកឃើញអ្នកជំងឺ COVID-19 មួយចំនួនចេញពីខេត្ត Vinh Phuc ដែលជាករណីឆ្លងវីរុសបំប្លែងខ្លួនថ្មីមានប្រភពមកពីប្រទេសឥណ្ឌា។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ។

អាជ្ញាធរវៀតណាមបានគូសបញ្ជាក់ថា ករណីខាងលើគឺជាករណីឆ្លងក្នុងសហគមន៍ដំបូងបង្អស់របស់ខ្លួន ដែលត្រូវបានបញ្ជាក់ជាមួយនឹងវីរុសបំប្លែងខ្លួនថ្មី។

យោងតាមក្រសួងបានឱ្យដឹងថា កាល​ពី​ថ្ងៃអង្គារមានករណីឆ្លងថ្មីចំនួន ១៥ករណីត្រូវបានរាយការណ៍នៅក្នុងប្រទេស ក្នុងនោះមានករណីឆ្លងក្នុងសហគមន៍ចំនួន ០៣ករណី និងករណីនាំចូលចំនួន១២ករណី ដែលនាំឲ្យចំនួនសរុបកើនដល់ ២,៩៩៦៕