ឯកឧត្តម ខៀវ កាញារីទ្ធ សំណូមពរឲ្យមានជំនួបរវាងនាយករដ្ឋមន្ត្រី និងអ្នកកាសែតមួយឆ្នាំម្តង
សារព័ត៌មាន Cambodia News/
ភ្នំពេញ (៣០ មីនា ២០១៦) ៖ រដ្ឋមន្ត្រី ក្រសួងព័ត៌មាន ឯកឧត្តម ខៀវ កាញារីទ្ធ បានសំណូមពរដល់សម្តេចនាយករដ្ឋមន្ត្រី ហ៊ុន សែន រៀបចំឲ្យមានជំនួបជារៀងរាល់ឆ្នាំរវាងប្រមុខរដ្ឋាភិបាល និងក្រុមអ្នកសារព័ត៌មានកម្ពុជា។ ឯកឧត្តមបន្តថា ជំនួប ប្រចាំឆ្នាំរវាងសម្តេចតេជោ ហ៊ុន សែន នាយករដ្ឋមន្រ្តី និងអ្នកសារព័ត៌មាន នឹងត្រូវជ្រើសរើសយកថ្ងៃ កាសែតខ្មែរចេញលើកដំបូង ប៉ុន្តែមិនទាន់ច្បាស់ថា ថ្ងៃណានោះទេ ដោយសារតែមានការលើកឡើងខុសៗគ្នា។
ឯកឧត្តម បានលើកឡើងបែបនេះ ក្នុងសុន្ទរកថានាពិធីប្រគល់ពានរង្វាន់ «សន្តិភាព និងការអភិវឌ្ឃ» ជូនដល់សម្តេច ហ៊ុន សែន ពីសំណាក់សហព័ន្ធអ្នកសារព័ត៌មានអាស៊ាន (UMA) កាលពីថ្ងៃទី២៩ មីនា ឆ្នាំ២០១៦៕ ដោយ៖ យុវវ័យថ្មី
