តម្លៃកាន់តែពិសេសនាពេលបុណ្យចូលឆ្នាំថ្មីសម្រាប់ពលរដ្ឋ ដែលមានបំណងធ្វើដំណើរតាមរថភ្លើង
សារព័ត៌មាន Cambodia News/
ភ្នំពេញ (២៩ មីនា ២០១៦) ៖ ក្រុមហ៊ុន Royal Railways បានឲ្យដឹងថា បន្ទាប់ពីការជជែកពិភាក្សាពីក្រុមប្រឹក្សាភិបាល ក្រុមហ៊ុនបានសម្រេចធ្វើការកែសម្រួលតម្លៃសំបុត្រសម្រាប់ការធ្វើ ដំណើរតាមខ្សែររថភ្លើងដែលគ្រោងនឹងចាប់ផ្តើមនៅថ្ងៃសៅរ៍ ទី ៩ ខែមេសាខាងមុខ។ បុគ្គលិកក្រុមហ៊ុន រ៉ូយ៉ាល់ រៀលវេ បានបញ្ជាក់តាមទូរស័ព្ទថា តំលៃនៃការធ្វើដំណើរត្រូវបានកំណត់ ថ្មីហើយ ដោយក្នុងនោះមាន៣ជម្រើសសម្រាប់អ្នកធ្វើដំណើរ៖
១ ពី រាជធានីភ្នំពេញ ទៅខេត្តតាកែវ តម្លៃ ៣ដុល្លារ
២ ពី រាជធានីភ្នំពេញ ទៅខេត្តកំពត តម្លៃ ៥ដុល្លារ
៣ ពីរាជធានីភ្នំពេញ ទៅខេត្តខេត្តព្រះសីហនុ តម្លៃ ៦ដុល្លារ
សូមជំរាបថា អ្នកធ្វើដំនើរគ្រប់រូបនឹងទទួលបានបទពិសោធន៍ថ្មីនៃការធ្វើដំណើរតាមរថភ្លើង បន្ទាប់ពីខ្សែរថភ្លើង កម្ពុជា ត្រូវបានផ្អាកដំនើរការជាង២០ឆ្នាំមកហើយ ក្នុងនោះអ្នកធ្វើដំណើរទាំងអស់ នឹងរីករាយជាមួយទេសភាពដ៏ល្អឆើតឆាយ នៃភូមដ្ឋាន វាលស្រែ ព្រៃភ្នំ សកម្មភាពកសិកម្មនិង ជីវភាពរស់នៅ របស់ពលរដ្ឋតាមដងផ្លូវ ពីរាជធានីភ្នំពេញ ខេត្តតាកែវ ខេត្តកែប ខេត្តកំពត និង ខេត្តព្រះសីហនុ៕
