ក្រសួងរ៉ែ និងថាមពល ចេញសារាចរស្តីពីវិធានការដឹកជញ្ជូនរ៉ែសំណង់គ្រប់ប្រភេទ
សារព័ត៌មាន Cambodia News/
ភ្នំពេញ (២៣ មីនា ២០១៦) ៖ ដោយមើលឃើញថាកន្លងមកការដឹកជញ្ជូនរ៉ែសំណង់គ្រប់ប្រភេទ មានគ្រួស ខ្សាច់ ដីក្រហម ដីឥដ្ឋជាដើម បង្កឲ្យមានផលប៉ះពាល់ដល់បរិស្ថានយ៉ាងធ្ងន់ធ្ងរ និងដឹកហួសកំណត់ធ្វើឲ្យធ្លាក់ជ្រុះ រាយប៉ាយតាមដងផ្លូវ ប៉ះពាល់សុខភាពប្រជាពលរដ្ឋ និងអាចបង្កឲ្យមានគ្រោះថ្នាក់ជារើយៗផងនោះ ទើបក្រសួងរ៉ែ និងថាមពលចេញសារាចរស្តីពីវិធានការដឹកជញ្ជូនរ៉ែសំណង់គ្រប់ប្រភេទនេះ ដើម្បីទប់ស្កាតនូវផលប៉ះពាល់ខាងលើ។
ក្នុងសារាចរបានដាក់ចេញនូវវិធានការមួយចំនួនគឺ ទី១ អាជីវករ ក្រុមហ៊ុនអាជីវកម្ម មិនត្រូវផ្ទុករ៉ែសំណង់ឲ្យលើសពីទ្រុងរថយន្តដែលដឹកនោះឡើយ។ ទី២ ត្រូវគ្របតង់កៅស៊ូឲ្យជិត ចងឲ្យជាប់ ចៀសវាងការធ្លាក់ជ្រុះនៅលើផ្លូវ។និងទី៣ ត្រូវចូលរួមថែរក្សាផ្លូវ ដោយស្រោចទឹកជាប្រចាំមិនបង្កឲ្យមានធូលីហុយ នាំឲ្យប៉ះពាល់ដល់ប្រជាពលរដ្ឋពេលធ្វើដំណើរឡើយ៕
