សាលារាជធានីកំពុងជំរុញគម្រោងសាងសង់ផ្លូវថ្មើរជើងតាមច្រាំងទន្លេ
សារព័ត៌មាន Cambodia News/
ភ្នំពេញ (១៨ មីនា ២០១៦)៖ លោកប៉ា សុជាតិវង្ស អភិបាលរាជធានីភ្នំពេញ អមដំណើរដោយមន្ត្រីជំនាញ ក្រោមឱវាទសាលារាជធានីភ្នំពេញ បានចុះពិនិត្យការស្ថាបនាផ្លូវថ្មើជើង និងច្រាំងទន្លេ ចាប់ពីបញ្ជរព័ត៌មានទេសចរណ៍មុខព្រះបរមរាជវាំង ដល់ស្ពានភ្លោះកោះពេជ្រ។ នេះបើតាមការឲ្យដឹងនៅលើទំព័រហ្វេសប៊ុក លោកប៉ា សុជាតិវង្ស នារសៀលថ្ងៃទី១៧ ខែមីនា។
ប្រភព ដដែលបន្តថា «រដ្ឋបាលរាជធានីភ្នំពេញបាននឹងកំពុងជម្រុញសាងសង់គម្រោងផ្លូវ ថ្មើរជើង តាមច្រាំងទន្លេដោយតភ្ចាប់ចាប់ពីបញ្ចរព័ត៌មានទេសចរណ៍មុខ ព្រះបរមរាជវាំង រហូតដល់ស្ពានព្រះមុនីវង្ស។
គម្រោងនេះ លាតសន្ធឹងតាមដងមាត់ច្រាំងទន្លេចតុមុខ ដែលមានប្រវែងសរុប ៤,១៥០ម៉ែត្រ នឹងចែកជា ២ដំណាក់កាលគឺ៖ ដំណាក់កាលទី១: ពីបញ្ជរព័ត៌មានទេសចរណ៍មុខព្រះបរមរាជវាំង រហូតដល់ស្ពានភ្លោះកោះពេជ្រ ដែលមានប្រវែងសរុបប្រហែល ៩៥០ម៉ែត្រ និងទទឹងចាប់ពី ៧ម៉ែត្រ ដល់ ១៥ម៉ែត្រ៕
