សម្ដេច ហ៊ុន សែន អំពាវនាវដល់មន្រ្តីគ្រប់ផ្នែកបម្រើសេវាកម្មឲ្យមានប្រសិទ្ធភាព
សារព័ត៌មាន Cambodia News/
ភ្នំពេញ (១៦ មីនា ២០១៦) ៖ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានអំពាវនាវដល់មន្រ្តីគ្រប់ផ្នែកទាំងអស់ ត្រូវធ្វើការងារឲ្យបានល្អ បម្រើសេវាកម្មឲ្យមានប្រសិទ្ធភាព ដើម្បីឲ្យភ្ញៀវទេសចរនោះមកម្តងហើយមកម្តងទៀត សូមកុំឲ្យភ្ញៀវទេសចរលើកឡើងថា កម្ពុជាលំបាកណាស់ចាប់តាំងពីចុះយន្តហោះ ប្រសិនបើយើងបម្រើសេវាបានល្អនោះភ្ញៀវទេសចរបរទេស នឹងនាំមកជាមួយបងប្អូនសាច់ញាតិរបស់គេមកម្តងទៀត។
សម្តេចតេជោ មានប្រសាសន៍បែបនេះនៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធស្ថានីយចេញដំណើរថ្មីនៃអាកាសយានដ្ឋានអន្តរជាតិភ្នំពេញ (Phnom Penh International Airport) នាព្រឹកថ្ងៃទី ១៦ ខែ មីនា ឆ្នាំ ២០១៦៕
