គ្រោះថ្នាក់ចរាចរណ៍ថ្ងៃទី២៤ កុម្ភៈ ស្លាប់ ៦នាក់រងរបួសធ្ងន់ ២១នាក់
សារព័ត៌មាន Cambodia News/
ភ្នំពេញ (២៥ កុម្ភៈ ២០១៦) ៖ យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់ឲ្យដឹងថា កាលពីថ្ងៃទី២៤ ខែកុម្ភៈ ឆ្នាំ២០១៦ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ១២លើក ក្នុងនោះ យប់ ៥លើក បណ្តាលអោយមនុស្សស្លាប់ ៦នាក់ ( ស្រី ២នាក់ ) រងរបួសធ្ងន់ ២១នាក់ ( ស្រី ៤នាក់ ) និងរបួសស្រាល ៥នាក់ ( ស្រី ១នាក់ )។
នៅក្នុង ហេតុការណ៍គ្រោះថ្នាក់ ចរាចរណ៍ ទាំង ១២លើកនេះ បណ្តាលឲ្យខូចខាតយានយន្ត សរុប ចំនួន ២១គ្រឿង រួមមាន ម៉ូតូចំនួន ១៣គ្រឿង រថយន្តធុនតូច ចំនួន ៨គ្រឿង និងអ្នកថ្មើរជើង ១នាក់ ។
ប្រភព ព័ត៌មានដដែលប្រាប់បន្តឲ្យដឹងថា មូលហេតុដែលបណ្តាល ឲ្យកើតមានករណីគ្រោះថ្នាក់ចរាចរណ៍ រួមមាន ល្មើសល្បឿន ៤លើក , ស្រវឹង ២លើក ,មិនគោរពសិទ្ធិ ២លើក និងបត់គ្រោះថ្នាក់ ៤លើក។ ក្នុងនោះ អ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ១៩នាក់ (យប់ ១៤នាក់) ៕
