វណ្ណ វល័ក្ខ បង្ហាញវត្តមានមនុស្សធម៌ ក្រោយមានការរិះគន់
សារព័ត៌មាន Cambodia News/
ភ្នំពេញ (១៨ កុម្ភៈ ២០១៦) ៖ តារាស្រី ដែលហ៊ានបញ្ចេញភាពសិចស៊ីខ្លាំង លេចលើលេចក្រោម បង្ហាញសាច់សខ្ចី កន្លងមកធ្លាប់តែពើបប្រទះនឹងរឿងរ៉ាវអាស្រូវស្នេហា កញ្ញា វណ្ណ វល័ក្ខ ពេលនេះនាងបានងាកមកផ្តើម ធ្វើការងារ មនុស្សធម៌ ក្រោយពីជោគជ័យបណ្តើរៗ លើអាជីពជាអ្នកសម្តែងសិល្បៈ និងក្រសោបបានប្រជាប្រិយភាព សម្រាប់ទីផ្សាសិល្បៈក្នុងស្រុកច្រើននាពេលបច្ចុប្បន្ន។
រូប ថតជាច្រើនសន្លឹកដែលត្រូវបានកញ្ញា វណ្ណ វល័ក្ខ យកមកបង្ហោះ ចែករំលែកជាសាធារណៈ នៅលើបណ្តាញទំនាក់ទំនង សង្គមហ្វេសប៊ុកផ្ទាល់ខ្លួន គឺភាគច្រើនសុទ្ធសឹងបង្ហាញពីសកម្មភាព នៅពេលដែលនាង និងមិត្តភក្តិបាននាំយកសម្ភារៈខ្លះៗ ទៅចែកជូនដល់កុមារ និងប្រជាពលរដ្ឋតាមសហគមន៍ ដោយមានទាំងការចែកសៀភៅ ប៊ិច និងថវិកាមួយចំនួន។
ក្រោយពី វណ្ណ វល័ក្ខ ចូលប្រឡូកក្នុងវិស័យសិល្បៈអស់រយៈពេលប៉ុន្មានឆ្នាំមក នេះគឺជាលើកទី១ហើយ ដែលនាងបានងាកមកធ្វើសកម្មភាពមនុស្សធម៌ ហើយទស្សនិកជនសង្ឃឹមថា ថ្ងៃខាងមុខតារាសម្តែងស្រី កញ្ញា វណ្ណ វល័ក្ខ នឹងបន្តសកម្មភាពបែបនេះ ដើម្បីរួមចំណែកជួយសង្គមឲ្យកាន់តែច្រើន៕
